وفاقی وزیر برائے توانائی اویس لغاری نے صوبائی اداروں کی جانب سے بجلی بقایاجات کے لیے مدد مانگ لی۔
اے آر وائی نیوز کے مطابق وفاقی وزیر اویس لغاری نے وزرائے اعلیٰ مریم نواز کے بعد مراد علی شاہ اور علی امین گنڈا پور کو بھی خط لکھا ہے جس میں بجلی کے بقایاجات کے لیے مدد مانگی گئی ہے۔
خط کے متن کے مطابق سندھ حکومت کے ماتحت ادارے 59 ارب 68 کروڑ 20 لاکھ روپے کے نادہندہ ہیں۔
خط میں کہا گیا ہے کہ حیسکو نے 21 ارب 51 کروڑ 40 لاکھ روپے وصول کرنے ہیں جبکہ سیپکو نے 38 ارب 16 کروڑ 80 لاکھ روپے وصول کرنے ہیں۔
خیبرپختونخوا کے ادارے 8 ارب 88 کروڑ روپے کے نادہندہ ہیں، پیسکو نے 6 ارب 57 کروڑ 60 لاکھ روپے وصول کرنے ہیں۔
خط کے متن کے مطابق ٹیسکو نے 2 ارب 30 کروڑ 40 لاکھ روپے وصول کرنے ہیں۔
علیم ملک پاور ڈویژن، آبی وسائل، وزارت تجارت اور کاروبار سے متعلق دیگر امور کے لیے اے آر وائی نیوز کے نمائندے ہیں