site
stats
کھیل

آئی سی سی چیمپئنز ٹرافی، انگلینڈ کی جیت، آسٹریلیا گھر روانہ

برمنگھم: آئی سی سی چیمپئنر ٹرافی کے میچ میں انگلینڈ نے آسٹریلیا کو 40 رنز سے شکست دے کر گھر کا راستہ دکھا دیا۔

تفصیلات کے مطابق برمنگھم کے ایجسٹن گراؤنڈ میں کھیلے جانے والے ایونٹ کے دسویں میچ میں آسٹریلیا اور انگلینڈ کی ٹیمیں مدِ مقابل تھیں، کینگروز نے پہلے بیٹنگ کرتے ہوئے 278 رنز کا ہدف دیا۔

ہدف کے تعاقب میں انگلش ٹیم نے 40 اوورز میں 4 وکٹ کے نقصان پر 240 رنز بنائے تو اسی دوران بارش کی وجہ سے کھیل روکنا پڑگیا، مسلسل بارش کے باعث آئی سی سی ڈک لوئس ورتھ کے تحت انگلینڈ کو 40 رنز سے جیت دے دی گئی۔

انگلینڈ اننگز

انگلینڈ نے بیٹنگ شروع کی تو 2 ہی اوور میں پہلے کھلاڑی جیسن روئے کو ایل بی ڈبلیو کے بعد پویلین جانا پڑ ا جبکہ ایلکس بھی بغیر کھاتہ کھولے پویلین روانہ ہوئے۔

نئے آنے والے بیٹسمین جوروٹ بھی 15 کے انفرادی اسکور پر پویلین لوٹے، کپتان مورگن نے گرتی بیٹنگ لائن کو سہارا فراہم کرتے ہوئے 87 رنز کی عمدہ اننگز کھیلی اور 159 رن کی شراکت قائم کی اور وہ رن آؤٹ ہوگئے۔ بین اسٹوکس نے 102 رنز ناقابل شکست  شاندار اننگز کھیلی۔

آسٹریلیا اننگز

انگلینڈ کے کپتان نے ٹاس جیت کر کینگروز کو پہلے بیٹنگ کی دعوت دی، آسٹریلوی ٹیم نے مقررہ 50 اوورز میں 9 وکٹ کے نقصان پر 277 رنز بنائے۔

کینگروز کی پہلی وکٹ آٹھویں اوور میں گری جب 40 کے مجموعی اسکور پر ڈیوڈ وارنر 27 کے انفرادی اسکور پر آؤٹ ہوئے۔

نئے آنے والے بیٹسمین ایرون فنچ نے 68 رنز کی اننگز کھیلی اور 136 کے مجموعی اسکور پر آؤٹ ہوکر پویلین روانہ ہوئے، ہینرکس چکھ 17 رنز بناکر آؤٹ ہوئے، کینگروز ٹیم کے کپتان اسمتھ نے اپنی نصف سنچری مکمل کی اور 56 رن کے انفرادی اسکور پر آؤٹ ہوئے۔

انگلینڈ کی جانب سے پاکستانی نژاد برطانوی باؤلر عادل رشید نے عمدہ بیٹنگ کا مظاہرہ کرتے ہوئے 4 کھلاڑیوں کو پویلین بھیجا جبکہ مارک ووڈ نے بھی چار کھلاڑیوں کو آؤٹ کیا۔

انگلش کرکٹ ٹیم کے ہاتھوں شکست کے بعد گروپ اے سے دو ٹیموں نے اگلے مرحلے کے لیے کوالیفائی کرلیا، جن میں انگلینڈ اور بنگلہ دیش کی ٹیمیں شامل ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top