دوحہ: قطر میں جاری فیفا ورلڈ کپ 2022 میں امریکا سے مقابلے سے قبل انگلینڈ کی ٹیم کے لیے نئی مشکل کھڑی ہوگئی۔
برطانوی میڈیا کی رپورٹس کے مطابق انگلینڈ فٹبال ٹیم کے کپتان ہیری کین ٹخنے کی انجری کا شکار ہوگئے جبکہ جمعہ کو انہیں امریکا کی ٹیم سے مقابلہ کرنا ہے۔
ہیری کین کو پیر کے روز ایران کے خلاف میچ کے دوسرے حصے میں ٹخنے کی انجری ہوئی جس کے بعد ان کی جگہ کالم ولسن کو میدان میں اتارا گیا۔
انگلینڈ ٹیم کے کپتان کو میچ کے دوران پٹی باندھی گئی اور آج انہوں نے ٹخنے کا اسکین کروایا جس کا نتیجہ آنا باقی ہے۔
View this post on Instagram
ہیری کین اب تک انگلینڈ کے لیے 76 میچوں میں 51 گول کر چکے ہیں۔
ٹیم مینجر گیرتھ ساؤتھ گیٹ نے امید ظاہر کی ہے کہ ہیری کین کے اسکین کا نتیجہ مثبت ہوگا۔
Comments
- Advertisement -
