The news is by your side.

ٹی 20 ورلڈکپ: نیوزی لینڈ کو پہلی شکست کا سامنا

برسبین: انگلینڈ نے ہارٹ فیورٹ نیوزی لینڈ کو شکست دیتے ہوئے فائنل فور تک پہنچنے کی اپنی امیدیں برقرار رکھیں۔

تفصیلات کے مطابق انگلش ٹیم نے کیویز ٹیم کو 20 رنز سے شکست دیتے ہوئے گروپ ون کے پوائنٹس ٹیبل پر دوسری پوزیشن حاصل کرلی ہے۔

برسبین میں کھیلے گئے میچ میں انگلینڈ نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 6 وکٹوں کے نقصان پر 179 رنز بنائے۔

جوزبٹلرنے73،ہیلزنے52رنزاسکورکیے، اس کے علاوہ لیام لیونگسٹن نے 20، معین علی 5، ہری بروک 7، بین اسٹوکس 8 رنز بنائے۔ نیوزی لینڈ کی جانب سے لوکی فرگوسن نے2کھلاڑیوں کوآؤٹ کیا۔

یہ بھی پڑھیں: ہم ٹی ‌ٹوئنٹی ورلڈ کپ جیتنے نہیں آئے، کپتان شکیب الحسن

ہدف کے تعاقب میں نیوزی لینڈ کا آغاز اچھا نہ تھا، اوپنرز ڈیون کانوے 16 اور فن ایلن 3 رنز بناکر جلد وکٹیں گنوا بیٹھے تھے تاہم گلین فلپس نے 36 گیندوں پر 62 رنز کی مزاحمتی اننگز کھیلی۔

ان کے علاوہ فیگر کھلاڑیوں میں کپتان کین ولیمسن 40، جمی نیشم 6، ڈیرل مچل 3، مچل سینٹر 16 رنز بناکر نمایاں رہے۔

انگلینڈ کی جانب سے کرس ووکس اورسیم کرن نے2،2وکٹیں حاصل کیں۔ واضح رہے کہ نیوزی لینڈ کی ٹی ٹوئنٹی ورلڈکپ میں یہ پہلی شکست ہے۔

Comments

یہ بھی پڑھیں