انگلش ٹیم کے سابق کپتان و کمنٹیٹر مائیکل وان کا کہنا ہے کہ انگلش ٹیم سیمی فائنل کھیلے گی۔
گزشتہ روز آئی سی سی کرکٹ ورلڈکپ میں افغانستان کی ٹیم نے بڑا اپ سیٹ کرتے ہوئے دفاعی چیمپئن انگلینڈ کو 69 رنز سے شکست دیدی تھی۔
انگلش بیٹرز افغانی بولرز کے سامنے بری طرح پسپا ہوگئے تھے۔ 285 رنز کے ہدف کے تعاقب میں پوری ٹیم 215 رنز پر پویلین لوٹ گئی تھی۔ کسی بھی مرحلے پر افغانستان کے بولرز نے انگلینڈ کے بلے بازوں کو کھل کر کھیلنے کا موقع نہیں دیا تھا۔
سوا ئے ہیری بروک کے کوئی بیٹر مزاحمت نہ کرسکا وہ 66 رنز کے ساتھ نمایاں رہے تھے۔ ڈیوڈ ملان 32 جبکہ عادل رشید آخر میں 20 رنز بنا سکے تھے۔
افغانستان کی جانب سے راشد خان اور مجیب الرحمان نے شاندار بولنگ کرتے ہوئے 3،3 انگلش بیٹرز پویلین روانہ کیا تھا، محمد نبی دو وکٹیں لینے میں کامیاب رہے تھے۔
واضح رہے کہ ورلڈ کپ میں یہ انگلینڈ کی دوسری شکست ہے اس سے قبل پہلے میچ میں نیوزی لینڈ نے بھی انگلش ٹیم کو شکست دی تھی۔
تاہم سابق کپتان انگلش کپتان و کمنٹیٹر مائیکل وان نے ٹوئٹ کیا ہے کہ انگلینڈ کی ٹیم ورلڈ کپ کا سیمی فائنل کھیلے گی۔
England in the World Cup semis ..
— Michael Vaughan (@MichaelVaughan) October 15, 2023
