انگلینڈ نے پہلے ٹیسٹ میچ کیلئے پلیئنگ الیون کا اعلان کردیا

مہمان ٹیم انگلینڈ نے پاکستان کے خلاف 3 ٹیسٹ میچز پر مشتمل سیریز کے پہلے ٹیسٹ کے لیے پلیئنگ الیون کا اعلان کردیا ہے۔

انگلینڈ کرکٹ بورڈ کے مطابق پاکستان کے خلاف راولپنڈی کے پہلے ٹیسٹ میں لیام لونگ اسٹون ڈیبیو کریں گے جبکہ بین ڈاکیٹ کی 6 برس بعد پلیئنگ الیون میں واپسی ہوئی ہے۔

سیریز کے پہلے ٹیسٹ کیلئے مہمان ٹیم میں کپتان بین اسٹوکس، زیک کرالی، اولی پوپ، جو روٹ، ہیری بروک، بین فوکس،جیک لیچ، اولی رابنسن اور جیمز اینڈرسن شامل ہیں۔

واضح رہے کہ پاکستان اور انگلینڈ کے درمیان ٹیسٹ سیریز کا پہلا میچ یکم دسمبر کل سے راولپنڈی میں کھیلا جائے گا۔

یکم دسمبر کو کھیلا جانے والا ٹیسٹ میچ دونوں ملکوں کے درمیان پاک سرزمین پر 17 سال بعد پہلا ٹیسٹ ہوگا۔

Comments