برمنگھم: انگلینڈ کے خلاف ٹیسٹ میچ میں بھارتی ٹیم کے سابق کپتان ویرات کوہلی ایک بار پھر بڑی اننگز کھیلنے میں ناکام ہوگئے۔
انگلیںڈ اور بھارت کے درمیان برمنگھم میں پانچواں ٹیسٹ کھیلا جارہا ہے جہاں بھارتی ٹیم پہلی اننگز میں مشکلات کا شکار ہے اور 174 رنز پر پانچ کھلاڑی پویلین لوٹ گئے۔
بھارتی ٹیم کے اوپنر شبھمن گل 17 اور پجارا 13 رنز بنا کر جیمز اینڈرسن کا نشانہ بنے، ہنومان ویہاری کو 20 رنز پر میتھیو پوٹس نے پویلین کی راہ دکھائی۔
Ooooooh what a catch @sambillings!! 🤲
Scorecard & Videos: https://t.co/jKoipFn3e9
🏴 #ENGvIND 🇮🇳 pic.twitter.com/BOLkN8d7TR
— England Cricket (@englandcricket) July 1, 2022
تین وکٹیں جلد گرنے کے بعد جب مایہ ناز بلے باز ویرات کوہلی کریز پر آئے تو صرف 11 رنز بنا کر پویلین لوٹ گئے اور ایک بار پھر بڑی اننگز کھیلنے میں ناکام رہے۔
ویرات کوہلی کے آؤٹ ہونے کی ویڈیو سوشل میڈیا پر وائرل ہوگئی۔
ویڈیو میں دیکھا جاسکتا ہے کہ فاسٹ بولر میتھیو پوٹس کی بال کو کوہلی چھوڑنے گئے لیکن ان سائیڈ ایج لگ کر گیند سیدھی وکٹ میں چلی گئی اور کوہلی بولڈ ہوگئے۔
EDGBASTON GOES POTTY! 🎉
Scorecard/Videos: https://t.co/jKoipF4U01
🏴 #ENGvIND 🇮🇳 pic.twitter.com/X5G3B2HsRU
— England Cricket (@englandcricket) July 1, 2022
شریاس ایئر 15 رنز پر آؤٹ ہوئے جبکہ رشبھ پنت 53 اور رویندر جڈیجا 32 رنز کے ساتھ کریز پر موجود ہیں۔
انگلینڈ کی جانب سے جیمز اینڈرسن نے تین اور میتھیو پوٹس نے دو وکٹیں حاصل کی ہے۔
