The news is by your side.

Advertisement

ویمنز ورلڈکپ: قومی ٹیم شکست سے دامن نے چھڑا سکی، ایک اور شکست

ہیگلی اوول: آئی سی سی ویمنز ورلڈکپ میں قومی ٹیم شکست سے دامن نے چھڑا سکی۔

تفصیلات کے مطابق آئی سی سی ویمنز ورلڈکپ میں پاکستان ویمنز ٹیم کی ناقص کارکردگی کا سلسلہ جاری ہے، قومی ٹیم کو دفاعی چیمپئن انگلینڈ کے ہاتھوں 9 وکٹوں سے عبرتناک شکست ہوئی۔

نیوزی لینڈ کے ہیگلی اوول میں کھیلے گئے ورلڈکپ کے گروپ میچ میں انگلینڈ نے ٹاس جیت کر پہلے پاکستان ویمنز ٹیم کو بلے بازی کی دعوت دی، انگلش بولرز میچ کے آغاز سے ہی قومی ٹیم پر حاوی رہے اور وقفے وقفے سے پاکستان کی وکٹ حاصل کرتے رہے۔

قومی ٹیم 41 اوورز میں محض 105 رنز بناکر آؤٹ ہوگئی، ٹیم کی کارکردگی کا اندازہ اس بات سے لگایا جاسکتا ہے کہ 8 بیٹرز ڈبل فیگر میں ہی داخل نہ ہوسکیں، سدرہ امین 32 رنز بنا کر نمایاں رہے جبکہ سدرہ نواز نے 23 رنز بنائے۔

یہ بھی پڑھیں: کرکٹ شائقین کے لیے اچھی خبر

انگلینڈ ویمنز ٹیم کی جانب سے کیتھرین برنٹ، سوفی ایکلسٹن نے تین تین وکٹیں حاصل کیں۔

جواب میں انگلش ویمنز ٹیم نے اوپنر بیٹر ڈینی ویٹ کے برق رفتار 76 رنز کی دلکش اننگز ک بدولت 105 رنز کا ہدف ایک وکٹ کے نقصان پر حاصل کرلیا۔

قومی ٹیم نے میگا ایونٹ میں اب تک 6 میچز کھیلے، جن میں سے 5 میں شکست جبکہ ایک میں فتح حاصل کی، سوشل میڈیا پر قومی ٹیم کی ناقص کارکردگی پر شدید ردعمل کا اظہار کیا جارہا ہے۔

Comments

یہ بھی پڑھیں