The news is by your side.

Advertisement

جوفرا آرچر کے لیے خصوصی پیشکش، وکٹیں اُڑاؤ، قیمتی انعام پاؤ

لندن: انگلینڈ کرکٹ ٹیم کے فاسٹ بولر جوفرا آرچر کے لیے کمپنی نے خصوصی آفر کا اعلان کردیا۔

تفصیلات کے مطابق انگلش فاسٹ بولر جو ایشز سیریز میں کینگروز بلے بازوں کے لیے دہشت کی علامت بنے ہوئے ہیں، آرچر نے تین ٹیسٹ میچز میں 13 وکٹیں حاصل کر رکھی ہیں۔

جوفرا آرچر کا منفرد بولنگ اسٹائل ہے وہ گلے میں سونے کی چین اور ہاتھ میں گھڑی پہن کر ایکشن میں دکھائی دیتے ہیں۔

انگلش فاسٹ بولر کے لیے جیولری بنانے والی کمپنی نے خصوصی آفر دی ہے کہ ایشز سیریز میں جتنی وکٹیں لیں گے سونے کی چین میں اتنے قیمتی پتھر روبی لگائی جائیں گے۔

کمپنی کا کہنا ہے کہ جوفرا آرچر کے لیے ایک ایسی سونے کی چین تیار کی جارہی ہے جس میں قیمتی پتھر ’روبی‘ لگایا جائے گا اور وہ جتنی وکٹیں حاصل کریں گے اتنے ہی روبی پتھر چین میں جڑے جائیں گے۔

مزید پڑھیں: ایشز سیریز: جوفرا آرچر کا خطرناک باؤنسر، اسٹیو اسمتھ زخمی

واضح رہے کہ ورلڈ کپ جیتنے کے بعد آرچر کے لیے ایسی چین تیار کی گئی تھی جس میں ہیرے جڑے تھے۔

خیال رہے کہ ایشیز سیریز کے ٹیسٹ کے دوران جوفرا آرچر کے خطرناک باؤنسر کے نتیجے میں آسٹریلوی بلے باز اسٹیون اسمتھ زخمی ہوکر تیسرے ٹیسٹ سے باہر ہوگئے تھے۔

اطلاعات کے مطابق اسٹیون اسمتھ اب فٹ ہوگئے ہیں اور چوتھے ٹیسٹ میں ان کی شرکت یقینی ہے۔

پانچ میچوں پر مشتمل ایشز سیریز 1-1 سے برابر ہے جبکہ سیریز کا چوتھا ٹیسٹ میچز 4 سے 8 ستمبر تک کھیلا جائے گا۔

Comments

comments

یہ بھی پڑھیں