تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

انگلش بیٹر معین علی کی عجیب وغریب شاٹ لگانے کی کوشش، ویڈیو

جنوبی افریقہ کے خلاف کھیلے گئے ایک روزہ میچ میں انگلینڈ کے بیٹر معین علی نے عجیب وغریب انداز میں سوئپ شاٹ کھیلنے کی کوشش کی اور ناکامی پر خود ہی ہنس پڑے۔

انگلینڈ کی ٹیم جنوبی افریقہ کے دورے پر ہے جہاں تین ایک روزہ میچوں پر مشتمل تیسرے اور آخری میچ کے دوران انگلش بیٹر نے ایک ہاتھ سے سوئپ شاٹ مارنے کی عجیب وغریب کوشش کی تاہم اس میں وہ ناکام ہوئے اور گیند ان کے بلے کو چھوئے بغیر وکٹ کیپر کے ہاتھوں میں چلی گئی۔ انوکھا شاٹ کھیلنے میں ناکامی پر معین علی خفت کی ہنسی ہنستے بھی دیکھے گئے۔

انگلینڈ نے اس میچ میں پہلے بیٹنگ کرتے ہوئے کپتان جوز بٹلر اور ڈیوڈ میلان کی سنچریوں کی بدولت حریف ٹیم کو 346 رنز بنا کر 347 رنز پہاڑ جیسا ہدف دیا جس کے تعاقب میں میزبان جنوبی افریقہ 287 رنز پر ہمت ہار گئی۔

یہ میچ گوکہ انگلینڈ کے نام رہا تاہم سیریز دو صفر سے جنوبی افریقہ نے اپنے نام کی۔

اس میچ کا سب سے قابل ذکر لمحہ معین علی کا ایک ہاتھ سے ریورس سوئپ شاٹ کھیلنے کی کوشش کرنا تھا جس میں وہ ناکام رہے اور آؤٹ ہونے سے بھی بال بال بچے کیونکہ گیند ان کے بلے کے انتہائی قریب سے گزرتی ہوئی وکٹ کیپر کے ہاتھوں میں محفوظ ہوگئی تھی۔

معین علی کے اس انداز سے ایک ہاتھ سے شاٹ کھیلنے کی کوشش نے صرف اسٹیڈیم میں موجود شائقین ہی نہیں بلکہ گراؤنڈ میں موجود کھلاڑیوں کو بھی حیران کردیا۔

معین علی نے باقی میچ میں دوبارہ یہ جسارت کرنے کی کوشش نہیں کی۔ وہ اس میچ میں 23 گیندوں پر 41 رنز بنا کر آؤٹ ہوئے۔ انگلش کھلاڑی غیرمعمولی شاٹ لگانے میں تو ناکام رہے تاہم ان کی قدرے مختصر اننگ 4 بلند وبالا چھکوں اور دو چوکوں سے سجی ہوئی تھی۔

Comments

- Advertisement -
ریحان خان
ریحان خان
ریحان خان کو کوچہٌ صحافت میں 25 سال ہوچکے ہیں اور ا ن دنوں اے آر وائی نیوز سے وابستہ ہیں۔ملکی سیاست، معاشرتی مسائل اور اسپورٹس پر اظہار خیال کرتے ہیں۔ قارئین اپنی رائے اور تجاویز کے لیے ای میل [email protected] پر بھی رابطہ کر سکتے ہیں۔