The news is by your side.

Advertisement

کرونا وبا: ایک اور ڈاکٹر زندگی کی بازی ہارگیا

کراچی: سندھ میں کرونا وبا کے باعث ایک اور ڈاکٹر زندگی کی بازی ہار گیا ہے۔

تفصیلات کے مطابق کرونا میں مبتلا سندھ گورنمنٹ اسپتال نیو کراچی کےڈاکٹر وارث انتقال کرگئے۔

اسپتال ذرائع نے تصدیق کرتے ہوئے بتایا کہ ڈاکٹر وارث ای این ٹی سرجن تھے، کرونا کے باعث کئی دن سے وینٹی لیٹرپر تھے، اس کے ساتھ ہی سندھ میں عالمی وبا کے باعث انتقال کرجانے والے ڈاکٹرز کی تعداد چالیس ہوگئی ہے۔

دو روز قبل کرونا وائرس سےخیبرپختونخواہ میں ایک اور ڈاکٹر انتقال کرگئے تھے، ڈاکٹر انور علی شاہ کووڈ کےباعث نجی اسپتال میں زیر علاج تھے،ڈاکٹرز ایسوسی ایشن کے مطابق ڈاکٹرانور علی شاہ خیبرمیڈیکل کالج میں بائیو کیمسٹری کے پروفیسر تھے۔

ڈاکٹرز ایسوسی ایشن کی جانب سے جاری بیان میں کہا گیا تھا کہ کے پی کے میں شہید ہونے والے ڈاکٹرز کی تعداد چھبیس تک جاپہنچی ہے، تاہم ابھی تک خیبرپختونخواکے ڈاکٹرز، ہیلتھ ملازمین تاحال کرونا رسک الاؤنس سےمحروم ہیں، حکومت نے ابھی تک کسی ڈاکٹریاہیلتھ ملازمین کوشہداپیکیج نہیں دیا ہے۔

اس سے قبل گذشتہ ماہ ایوب میڈیکل کمپلیکس کے میڈیکل افسر ڈاکٹر راجہ آصف کرونا سےانتقال کرگئے تھے، جبکہ دس نومبر کو خیبر میڈیکل کالج کےتھرڈ ایئر کےطالب علم ڈاکٹر عدنان حلیم جاں بحق ہوئے تھے۔

یہ بھی پڑھیں:  کرونا وائرس نے ایک اور مسیحا کی جان لے لی

پرونشل ڈاکٹرز ایسوی ایشن پشاور کی جانب سے جاری بیان میں کہا گیا تھا کہ کرونا وائرس کا شکار ہونے والے ڈاکٹر عدنان خیبر ٹیچنگ اسپتال کے آئی سی یو میں وینٹی لیٹرپر تھے، ڈاکٹر عدنان حلیم کا تعلق ضلع سوات سےتھا۔

اکتیس اکتوبر کو بھی پشاور میں کرونا وائرس وبا کی دوسری لہر کے دوران کو وِڈ نائنٹین سے ایک اور ڈاکٹر جاں بحق ہوا تھا، ڈاکٹر سلطان زیب حیات آباد میڈیکل کمپلیکس میں زیر علاج تھے، وہ ایسوسی ایٹ ڈین خیبر کالج آف ڈینٹسٹری تھے۔

Comments

یہ بھی پڑھیں