سندھ کابینہ میں پولیس کے شہدا کے لیے معاوضہ بڑھانے پرغور ہونے لگا، شہید اہلکاروں کا معاوضہ پنجاب حکومت کے برابرکرنے کا فیصلہ کیا گیا ہے۔
اے آر وائی نیوز کے مطابق سندھ کی کابینہ کی جانب سے شہید پولیس اہلکاروں کا معاوضہ پنجاب حکومت کے برابر کرنے کا حتمی فیصلہ کرلیا گیا ہے، وزیراعلیٰ کو بریفنگ دیتے ہوئے بتایا گیا کہ ملین روپے شہید اہلکار کے ورثا کو دیے جاتے ہیں۔
وزیراعلیٰ سندھ سید مراد علی شاہ کا اس موقع پر کہنا تھا کہ 2017 سے شہید پولیس اہلکاروں کے ورثا کو معاوضہ دیا جائے گا، شہدا کا معاوضہ بڑھانے سے سالانہ 754 ملین کا اضافی بوجھ پڑے گا۔
سندھ کابینہ نے شہید پولیس اہلکاروں کا معاوضہ بڑھانے کے ساتھ ساتھ کچے میں پولیس اہلکاروں کو 10 ہزارالاؤنس کی بھی منظوری دیدی۔
سیکریٹری داخلہ اعجازشاہ نے کہا کہ کچے کے علاقے میں 4500 پولیس اہلکار کام کر رہے ہیں، کچے کے اہلکاروں کو الاؤنس سے 540 ملین روپے سالانہ خرچہ آئے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں