The news is by your side.

Advertisement

ترک صدر اردوان کا جوبائیڈن انتظامیہ سے اہم مطالبہ سامنے آ گیا

انقرہ: ترک صدر رجب طیب اردوان نے نومنتخب امریکی صدر جو بائیڈن کی انتظامیہ سے ایف 35 طیارے ترکی کے حوالے کرنے کا مطالبہ کر دیا ہے۔

غیر ملکی میڈیا کے مطابق ترک صدر اردوان نے نئی امریکی انتظامیہ پر زور دیا ہے کہ وہ ٹرمپ حکومت کی طرف سے ترکی کو ایف 35 لڑاکا طیاروں کی فراہمی پر عائد پابندی ختم کرے۔

ترک صدر نے مطالبہ کیا کہ نئی امریکی انتظامیہ انقرہ کو طیارے فراہم کرنے کے لیے اقدامات کرے۔

ان کا کہنا تھا کہ ترکی نے ایف 35 لڑاکا طیاروں کے لیے بہت بڑی رقم ادا کی تھی مگر ہمیں یہ جنگی جہاز نہیں دیے گئے، امریکا روسی میزائل دفاعی نظام وجہ سے روکے گئے طیارے ترکی کے حوالے کرے۔

واضح رہے کہ واشنگٹن نے روسی ساختہ ایئر ڈیفنس سسٹم S-400 کی خریداری کی وجہ سے 14 دسمبر کو ترکی پر پابندیاں عائد کی تھیں، جس کی وجہ سے ترکی کو دفاعی صنعت میں مشکلات کا سامنا ہے۔

امریکا نے ترکی کی مرکزی دفاعی آلات تیار کرنے والی کمپنی کے ڈائریکٹر اسماعیل دیمر پر بھی پابندی عائد کر رکھی ہے اور ان کے اثاثے منجمد کر دیے تھے۔

Comments

یہ بھی پڑھیں