مشکل وقت میں ترکی کا ساتھ دینے پر آپ کے شکرگزار ہیں: طیب اردوان کا عمران خان کو خط erdogan
The news is by your side.

Advertisement

مشکل وقت میں ترکی کا ساتھ دینے پر آپ کے شکرگزار ہیں: طیب اردوان کا عمران خان کو خط

اسلام آباد: ترکی کے صدر رجب طیب اردوان نے اپنے خط میں عمران خان کو  پاکستان کا وزیر اعظم بننے پر مبارک باد پیش کی ہے۔

تفصیلات کے مطابق ترک صدر طیب اردوان نے وزیراعظم پاکستان عمران کو خط لکھ کر ان کے لیے نیک تمناؤں کا اظہار کیا.

خط میں‌ طیب اردوان نے امید ظاہر کی کہ پاکستان اور ترکی کے تعلقات مزید مضبوط ہوں گے، اللہ آپ کا حامی و ناصر ہو.

ترکی صدر نے کہا کہ مشکل وقت میں ترکی کا ساتھ دینے پر آپ کے شکرگزار ہیں، یقین ہے کہ آپ کی لیڈرشپ میں دو طرفہ تعلقات نئی بلندیوں پر جائیں گے.

اپنے خط میں‌ ترک صدر نے عمران خان کی صحت اور پاکستانی عوام کی خوش حالی کے لئے دعاؤں کا اظہار کیا.

مزید پڑھیں: وزیراعظم عمران خان نے 20 رکنی وفاقی کابینہ کی منظوری دے دی

یاد رہے کہ آج ایوان صدر میں عمران خان نے وزیراعظم کے عہدے کا حلف اٹھایا، صدرممنون حسین نے عمران خان سے حلف لیا۔

نو منتخب وزیراعظم عمران خان حلف کے بعد وزیراعظم ہاؤس پہنچے، جہاں پاکستان کے 22ویں وزیراعظم کو گارڈآف آنر پیش کیا گیا۔

واضح رہے قومی اسمبلی نے پی ٹی آئی کے چیئرمین عمران خان کو ملک کا بائیسویں وزیراعظم منتخب کیا تھا، کپتان کوایک سو چھہتر اور ان کے مدمقابل نون لیگ کے صدر کو چھیانوے ووٹ ملے تھے۔

Comments

comments

یہ بھی پڑھیں