ترک صدر اردوان نے جرمنی میں جامع مسجد کا افتتاح کردیا erdogan opens huge mosque
The news is by your side.

Advertisement

ترک صدر اردوان نے جرمنی میں جامع مسجد کا افتتاح کردیا

برلن: ترک صدر رجب طیب اردوان نے جرمنی میں جامع مسجد کا افتتاح کردیا، تقریب میں ہزاروں افراد نے شرکت کی۔

غیرملکی خبررساں ادارے کے مطابق ترک صدر رجب طیب اردوان جرمنی میں مسجد کا افتتاح کردیا جس کا شمار یورپ کی بڑی مساجد میں ہوتا ہے، افتتاحی تقریب میں ہزاروں افراد نے شرکت کی۔

ترک صدر نے جرمن حکومت کا شکریہ ادا کرتے ہوئے کہا کہ یہ مسجد امن کی نشانی ہے، کلون شہر کی مرکزی مسجد کو ترکی سے تعلق رکھنے والی ایک مسلم تنظیم نے تعمیر کیا ہے۔

اردوان نے کہا کہ روشن خیال لوگ جو یہاں جمع ہیں، یہ کسی دہشت گردی کا حصہ نہیں بنیں گے، انہیں مسلمانوں کے لیے دیگر جرمن شہروں میں بھی مساجد دیکھ کر خوشی ہوگی، یہ جامع مسجد لاکھوں ترک باشندوں کے لیے فخر کا باعث ہے۔

کولون شہر میں تعمیر کی گئی اس جامع مسجد کا انتظام ترک جرمن اسلامی تنظیم ڈی آئی ٹی آئی بی کے پاس ہوگا، واضح رہے کہ ترک صدر اردوان سے قریبی تعلق کی بنا پر اس جرمن تنظیم پر بھی کڑی تنقید کی جاتی ہے۔

خیال رہے کہ ترک صدر جمعے کو جرمنی پہنچے تھے جہاں ان کا استقبال فوجی اعزاز کے ساتھ کیا گیا جبکہ ان کی میزبانی جرمن ہم منصب نے کی اس دورے کے دوران وہ جرمن چانسلر انجیلا مرکل سے بھی ملاقات کرچکے ہیں۔

اردوان یہ دورہ ایک ایسے موقع پر کررہے ہیں، جب ترکی اور جرمنی کے تعلقات نہایت کشیدہ ہیں، ترک میں 2016 میں ہونے والی ناکام فوجی بغاوت کے بعد سے جاری کریک ڈاؤن پر جرمن حکومت شدید تحفظات کا اظہار کرتی ہے۔

Comments

comments

یہ بھی پڑھیں