تازہ ترین

رجب طیب اردوان کی اہلیہ نے مودی کی بے عزتی کردی، ویڈیو وائرل

بیونس آئرس: ترک صدر رجب طیب اردوان کی اہلیہ نے عالمی اجلاس کے دوران بھارتی وزیر اعظم کی بھری محفل میں بے عزتی کردی۔

تفصیلات کے مطابق ارجنٹائن میں منعقد ہونے والے جی 20 اجلاس کےدوران ترک صدر کی اہلیہ ایمن اردوان نے بھارتی وزیراعظم کو بھری محفل میں نظر انداز کر کے مودی کی بےعزتی کردی جس کی ویڈیو سوشل میڈیا پر وائرل ہوگئی۔

عالمی صحافی نے سماجی رابطے کی ویب سائٹ پر ویڈیو شیئر کی جس میں دیکھا جاسکتا ہے کہ اجلاس کے بعد عالمی رہنماؤں کا فوٹو شوٹ ہورہا تھا کہ بھارتی وزیراعظم ایم ادوان کے برابر میں آکر کھڑے ہوئے۔

ترک صدر کی اہلیہ نے مودی کی طرف دیکھا اور اپنا رخ فوری طور پر دوسری طرف موڑ کر بھارتی وزیراعظم کو یکسر نظر انداز کردیا۔ ایمن اردوان کی جانب سے نظر انداز کیے جانے کے بعد مودی کے چہرے پر شرمندگی نظر آئی۔

فوٹو شوٹ کے لیے جمع ہونے والے ذرائع ابلاغ کے نمائندوں نے اس منظر کو محفوظ کیا اور عرب میڈیا سے وابستہ صحافی نے اسے سماجی رابطے کی ویب سائٹ پر شیئر بھی کیا۔

اس ویڈیو کو ایک دن میں 2 لاکھ 56 ہزار سے زائد صارفین دیکھ چکے جبکہ 8 ہزار لوگوں نے ایمن اردوان کے اس عمل کو قبل تعریف بھی قرار دیا۔

واضح رہے کہ گزشتہ دنوں 30 نومبر کو ارجنٹائن میں دو روزہ جی 20 اجلاس منعقد کیا گیا تھا جس میں دنیا کے 20 ممالک کے سربراہان نے شرکت بھی کی تھی۔

Comments

- Advertisement -