The news is by your side.

Advertisement

ارطغرل غازی ڈرامہ ایک اور ملک میں بہت زیادہ دیکھا جانے لگا

سلطنتِ عثمانیہ کے حوالے سے بنائے جانے والے ترک ڈرامہ سیریل ارطغرل غازی کو جب اردو زبان میں نشر کیا گیا تو جنوبی ایشیا میں اس ڈرامے کو بہت زیادہ پذیرائی ملی۔

ارطغرل غازی کو اردو زبان میں نشر کرنے کی ہدایت وزیراعظم عمران خان نے دی تھی جس کے بعد اس کی ہر ہفتے نئی قسط پاکستان ٹیلی ویژن (پی ٹی وی) سے نشر کی جاتی ہے، جس کو ریکارڈ ویوز ملتے ہیں۔

ارطغرل غازی کو ترکش زبان میں اس قدر پذیرائی نہیں مل سکی تھی جتنی اردو میں نشر ہونے کے بعد ملی ہے یہی وجہ ہے کہ یوٹیوب پر ڈرامے کے حوالے سے بنائے جانے والے چینل کا شمار سب سے زیادہ سبکرائب ہونے والے چلینز میں ہوتا ہے۔

ترک میڈیا رپورٹ کے مطابق روس بھی ترک ڈرامہ سیریز دیکھنے والے سرفہرست ممالک میں شامل ہوگیا۔

ترک میڈیا نے روسی خبررساں ایجنسی ’ریا نووستی‘ کی ’عظیم صدی‘ کے نام سے شائع کردہ رپورٹ کا حوالہ دیتے ہوئے لکھا کہ ارطغرل غازی کے حوالے سے ایجنسی نے حال ہی میں تجزیاتی رپورٹ شائع کی۔ جس میں بتایا گیا ہے کہ روس، ترکی کے سب سے زیادہ ڈرامہ سیریز دیکھے جانے والے سر فہرست ممالک کی صف  میں شامل ہوگیا ہے۔

مزید پڑھیں: ارطغرل غازی کی ٹیم کا تحریک خلافت پر نئی سیزیز بنانے کا اعلان، وزیراعظم کی تعاون کی یقین دہانی

یہ بھی پڑھیں: وزیراعظم کی مشہور ترک سیریل ’’ارطغرل غازی‘‘ کو پی ٹی وی پر نشر کرنے کی ہدایت

رپورٹ میں بتایا گیا ہے کہ روس میں مقیم مسلمان ارطغرل غازی کو بہت زیادہ دلچسپی سے دیکھ رہے ہیں۔

رپورٹ میں بتایا گیا ہے کہ روس اور دنیا بھر میں دکھائے جانے والے ترک ڈرامے کے خلاصے کو پیش کیا گیا ہے مگر اُس کے باوجود اس کو نہ صرف دیکھا جارہا ہے بلکہ ناظرین کی تعداد بھی دن بہ دن بڑھ رہی ہے۔

مضمون میں ترک ڈرامہ سیریز کے  دنیا کے  کو ایک سو سے زیادہ ممالک میں دکھائے جانے اور  اس سے ہ ترک معیشت میں 500 ملین ڈالر کی آمدنی حاصل ہونے کا بھی ذکر کیا گیا جبکہ یہ بھی بتایا گیا ہے کہ عوامی دلچسپی کو دیکھتے ہوئے مقامی چیلنجز نے ٹی وی سیریز اور فلموں کو چھوڑ کر ترک سیریز کو پہلے سے زیادہ جگہ دینا شروع کردی ہے۔

Comments

یہ بھی پڑھیں