The news is by your side.

Advertisement

ارطغرل غازی کی ’’حلیمہ سلطان‘‘ پردہ سیمیں پر جگمگانے کو تیار

دنیا بھر میں مشہور ارطغرل غازی میں حلیمہ سلطان کا مرکزی کردار نبھانے والی ترک اداکارہ اسرا بیلگیج کی پہلی فلم کی ریلیز کی تاریخ کا اعلان ہوگیا۔

دنیا بھر میں شہرت کے جھنڈے گاڑنے والی ترکی کے تاریخی ڈرامے ارطغرل غازی میں ’’حلیمہ سلطان‘‘ کا مرکزی کردار نبھانے والی خوبرو اداکارہ اسرا بیلگیج کی پہلی فم ’’ادانیش کتسال کاوگا‘‘ کی نمائش کی تاریخ کا اعلان کردیا ہے۔

فلم 11 مارچ کو ترکی کی سنیما گھروں میں ریلیز کی جائیگی۔

ایکشن سے بھرپور اس فلم کی کہانی ایک ایسے گروہ کے گرد گھومتی ہے جو اس اہم راز کی حفاظت کرنے پر متعین ہے جسے ترکوں نے استنبول فتح کرنے کے بعد حاصل کیا تھا۔

وطن کی محبت سے سرشار اس گروپ فلم میں اس خفیہ اور اہم راز کو حاصل کرنے کے لیے سرگرداں پوشیدہ قوتوں کے خلاف سخت جنگ سے نبردآزما دکھایا گیا ہے۔

اداکارہ اسرا بیلگیچ نے اپنی انسٹا اسٹوری پر فلم کا ٹریلر اور پوسٹر بھی شیئر کیا ہے۔

اسرا بیلگیچ نے فلم کا ٹریلر شیئر کرتے ہوئے لکھا ہے کہ فلم ادانیش کتسال کاوگا کو دو ہزار انیس میں فلمایا گیا تھا لیکن کورونا وبا کی وجہ سے فلم کی ریلیز میں تاخیر ہوئی لیکن اب یہ فلم گیارہ مارچ کو سینما گھروں میں نمائش کے لیے پیش کی جارہی ہے۔

Comments

یہ بھی پڑھیں