The news is by your side.

Advertisement

ترک اداکارہ اسرا بیلگیچ کی باکسنگ سیکھنے کی ویڈیو وائرل

انقرہ: شہرہ آفاق ترک سیریز ’ارطغرل غازی‘ میں سخی اور صاف دل حلیمہ سلطان کا کردار نبھانے والی اداکارہ اسرا بیلگیچ کی باکسنگ سیکھنے کی ویڈیو وائرل ہوگئی۔

تفصیلات کے مطابق ترک اداکارہ اسرا بیلگیچ کی باکسنگ سیکھنے پہنچ گئیں جس کی ویڈیو سوشل میڈیا پر وائرل ہوگئی، مداحوں کی جانب سے اسرا کی ویڈیو کو خوب سراہا جارہا ہے۔

ویڈیو میں دیکھا جاسکتا ہے کہ اسرا بیلگیچ جم میں موجود ٹرینر سے باکسنگ کی تربیت حاصل کر رہی ہیں، دوسری جانب کہا جارہا ہے کہ اداکارہ نے باکسنگ کی ٹریننگ اپنے نئے ڈرامے ’رامو‘ کے لیے لی تھی اور یہ ویڈیو اُسی ڈرامے کی شوٹنگ کے دوران کی ہے۔

یاد رہے کہ ’رامو‘ جرائم پر مبنی ایک ترکش ڈرامہ ہے جس کی نشریات کا آغاز ترکی میں ہوگیا ہے۔

اِس سے قبل اسرا بیلگیچ نے فوٹو اینڈ ویڈیو شیئرنگ ایپ انسٹاگرام پر اپنے نئے ڈرامے ’رامو‘ کے پوسٹر کی تصویر شیئر کی تھی۔

ترک اداکارہ نے ’رامو‘ کا پوسٹر شیئر کرتے ہوئے ڈرامے کی نئی قسط نشر ہونے کی تاریخ اور دن سے متعلق مداحوں کو آگاہ کیا تھا۔

واضح رہے کہ 14 اکتوبر 1992 کو ترکی کے شہر انقرہ میں پیدا ہونے والی اسرا بیلگیچ کی پاکستان میں بھی فین فالوونگ میں اضافہ ہوتا جارہا ہے اور مداح اداکارہ کی نئی تصاویر اور پوسٹس پر پسندیدگی کا اظہار کرتے ہیں۔

fb-share-icon0
Tweet 20

Comments

comments

یہ بھی پڑھیں