اسلام آباد : اسٹیبلشمنٹ ڈویژن نے 3 افسران کو وزیراعظم ہاؤس میں تعینات کردیا ، جن میں گریڈ 19 کے افسر سمیر احمد سید ،محمد علی رندھاوا شامل ہیں۔
تفصیلات کے مطابق اسٹیبلشمنٹ ڈویژن نے 3 افسران کو وزیراعظم ہاؤس میں تعینات کردیا اور اس حوالے سے جاری نوٹیفکیشن میں بتایا گیا ہے کہ تعینات افسران میں گریڈ 19 میں سمیر احمد سید شامل ہیں۔
سمیر احمد سید شہبازدورمیں لاہور کے ڈی سی ا ورڈی جی ایل ڈی اےرہ چکے ہیں۔
اس کے علاوہ گریڈ 19کےافسر محمد علی رندھاوا اور گریڈ18کےوسیم احمد بھی ڈپٹی سیکریٹری کو بھی وزیراعظم ہاؤس میں تعینات کیا گیا ہے۔
محمد علی رندھاوا بھی شہباز شریف کے ساتھ ماضی میں کام کرچکے ہیں۔
خیال رہے وفاقی بیوروکریسی میں اہم تقرریوں اور تبادلوں کاامکان ہے ، اس سلسلے میں وزیراعظم آفس نے پچیس بیوروکریٹس کےنام شارٹ لسٹ کرلیے ہیں ، یہ افسران ن لیگ کےساتھ پنجاب اوروفاق میں کام کرچکے ہیں۔
