The news is by your side.

Advertisement

اعتکاف کی تیاریاں مکمل‘ بڑا اجتماع فیصل مسجد میں ہوگا

اسلام آباد : وفاقی دارالحکومت اورجڑوں شہرراولپنڈی کاسب سے بڑااعتکاف فیصل مسجد اسلام آباد میں ہو گا۔جس کے لیے رواں سال بھی حسب روایت اعتکاف کے وسیع انتظامات کئے ہیں۔

تفصیلات کے مطابق اسلام آباد کی فیصل مسجد میں 729 افراد اعتکاف بیٹھیں گے۔ جن کا انتخاب ہزاروں درخواستوں میں سے پہلے آئیے پہلے پائیے کی بنیاد پر کیاگیا ہے۔

اعتکاف بیٹھنے والوں کے لئے افطاری سحری اور رات کے کھانے کا خصوصی انتظامات کیا گیا ہے ۔ جس کے لئے ہر معتکف سے ایک مخصوص رقم بھی جمع کی گئی ہے۔

یاد رہے کہ پاکستان سمیت دنیا بھر میں لاکھوں مسلمان بیسویں روزے کو اعتکاف بیٹھیں گے۔ حضور اکرم ﷺ کی سنت مبارکہ پر عمل کرتے ہوئے رمضان المبارک کے بیسویں روزے کودنیا بھر میں لاکھوں مسلمان مساجد میں آخری 10روز کے قیام کے لئے اعتکاف کی نیت کرتے ہیں ۔20


 اعتکاف اللہ تعالیٰ کا قرب حاصل کرنے کا بہترین ذریعہ


رمضان المبارک کو نماز عصر کے بعد لوگ مساجد میں عارضی قیام گاہیں بنا کر اعتکاف بیٹھتے ہیں۔ اعتکاف عید کاچاند نظر آنے تک جاری رہتا ہے۔

اعتکاف کے اجتماعات میں آئمہ و خطبا قرآن کی تفاسیر بیان کریں گے، اعتکاف کے اجتماعات میں ملک کی سلامتی و استحکام ، دہشت گردی کے خاتمے اور امت مسلمہ کی سربلندی کیلیے خصوصی دعائیں بھی مانگی جائیں گی ۔

آخری عشرے کی طاق راتوں میں مسلمان پوری رات اللہ کے حضور عبادات کرتے ہوئے اپنی حاجات و مناجات پیش کریں گے، شہر بھر میں رمضان کی21 شب سے محافل شبینہ منعقد ہوں گی جن سے علمائے کرام خطاب کریں گے شہر کی بیشتر مساجد میں معتکفین کو مساجد کی انتظامیہ اور مخیرحضرات کی جانب سے سحری و افطار فراہم کی جائیگی۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email

Comments

comments

یہ بھی پڑھیں