The news is by your side.

ایتھوپیا جانے والے مسافروں کے لیے خوش خبری

کراچی: 18 برس بعد ایتھوپین ایئر لائن کو کراچی سے ادیس ابابا کے لیے پروازوں کی اجازت مل گئی۔

تفصیلات کے مطابق سول ایوی ایشن اتھارٹی نے ایتھوپین ایئر لائن کو ہفتہ وار 2 پروازیں آپریٹ کرنے کا اجازت نامہ جاری کر دیا۔

پروزاوں کی بحالی کے ساتھ پاکستانیوں کے لیے معطل شدہ آن ارائیول ویزہ سولہت بھی بحال کر دی گئی، تاہم ایتھوپیا جانے والے مسافروں کی ایئر پورٹ پر سخت نگرانی کی ہدایات بھی جاری کی گئی ہیں۔

ذرائع کے مطابق نگرانی کی ہدایات ایتھوپیا میں تعنیات پاکستانی سفیر کے مراسلے پر جاری کی گئیں۔

یاد رہے کہ ایتھوپیا کے دارالحکومت ادیس ابابا کے لیے پروازیں 2004 سے معطل تھیں، 2020 میں پاکستانیوں کے لیے آن آرائیول ویزے کی سہولیات بھی معطل کر دی گئی تھیں۔

پاکستانیوں کی جانب سے ایتھوپیا میں جعلی پرفیوم اور موبائل فروخت کے باعث آن ارئیول ویزہ معطل کیا گیا تھا، جعل سازی کے باعث متعدد پاکستانی گرفتاری کے بعد بے دخل بھی کیے گئے تھے۔

Comments

یہ بھی پڑھیں