عدیس ابابا: افریقی ملک ایتھوپیا کے دارلحکومت میں کچرے کے ڈھیر تلے دب کر48 افراد ہلاک اور چالیس سے زائد زخمی ہوگئے۔
غیرملکی خبررساں ادارے کے مطابق ایتھوپیا کے درالحکومت عدیس ابابا کے نواحی علاقے میں ترقیاتی کام کے دوران کچرے کا بہت بڑا حصہ نیچے آگر جس کے نیچے دب کر48افراد ہلاک اور40 سے زائد شدید زخمی ہوئے۔
مقامی حکام نے واقعے کی تصدیق کرتے ہوئے کہا کہ’اس مقام پر کچرے کا ڈھیر تھا جس میں لکڑیاں اور دیگر اشیاء شامل تھیں، بلڈوزر کی مدد سے اس کو ہموار کرنے کی کوشش کی گئی مگر کچرے کا ایک بڑا حصہ آبادی پر گر گیا‘۔
انہوں نے کہا کہ ’آبادی کو یہ جگہ خالی کرنے کے احکامات جاری کیے گئے تھے اور حکومت نے یہاں پارک تعمیر کرنے کا منصوبہ بنایا تھا تاہم لوگوں نے اپنے گھر چھوڑنے سے صاف انکار کردیا تھا‘۔
متاثرہ شخص کا کہنا ہے کہ ’اس بستی میں 50 سے زائد گھر آباد ہیں اور یہ کچرے کے ڈھیر کے ارد گرد تعمیر کیے گئے تھے، ہر گھر میں تقریبا 7 سے زائد افراد موجود ہیں، بستی کے تمام گھر کچرے کے ملبے تلے دبے ہوئے ہیں‘۔
واقعے کے بعد حکومت نے دارلحکومت میں ایمرجنسی قائم کردی ہے اور ریسکیو کے تحت ملبے تلے دبے افراد کو نکالنے کی کوشش کی جارہی ہیں،ریسکیو کے کاموں میں مقامی انتظامیہ کےعلاوہ فلاحی ادارے بھی حصہ لے رہے ہیں۔
