The news is by your side.

Advertisement

یورپی یونین کا پاکستان کے زلزلہ متاثرین کے لئے بڑی امداد کا اعلان

اسلام آباد : یورپین یونین نے پاکستان میں زلزلہ متاثرین کے لئے تین لاکھ یورو امداد فراہم کرنے کا اعلان کردیا ، امداد سے شدید متاثرہ 3ہزار افراد کی ضرورت پوری ہوسکے گی۔

تفصیلات کے مطابق یورپی یونین سفارتخانے کی جانب سے بیان میں کہا گیا ہے کہ یورپی یونین پاکستان کےزلزلہ متاثرین 3لاکھ یوروامدادفراہم کرے گا، یہ رقم متاثرہ خاندانوں کو ایمرجنسی ہیومنٹیرین اعانت کی فراہمی میں استعمال ہوگی۔

سفارتخانہ کا کہنا ہے کہ امداد سے شدید متاثرہ 3ہزار افراد کی ضرورت پوری ہوسکےگی، زلزلہ متاثرین تک امداد پہنچانے کا کام تیزی سے کیا جارہا ہے، زلزلہ متاثرین تک پینے کا صاف پانی فراہم کیا جائے گا۔

یاد رہے متحدہ عرب امارات نے پاکستان اور آزاد جموں و کشمیر میں آنے والے تباہ کن زلزلہ متاثرین کے لئے بھرپور امداد کا اعلان کیا تھا جبکہ اس سے قبل جاپانی سفیر نے زلزلہ متاثرین کے لیے امداد کی پیشکش کی تھی۔

مزید پڑھیں : آزاد کشمیر میں تباہ کن زلزلہ ، متحدہ عرب امارات کا بھرپور مدد کا اعلان

خیال رہے 24 ستمبر کو ملک کے بیشتر شہروں میں 5.8 شدت کے زلزلے کے جھٹکے محسوس کیے گئے تھے ، زلزلے سے آزاد کشمیر میں شدید تباہی پھیل گئی تھی، متاثرہ علاقوں میں امدادی کاموں کا سلسلہ جاری ہے، زلزلے سے مرنے والوں کی تعداد انتالیس ہوگئی ہے۔

وزیراسٹیٹ ڈیزاسٹرمنیجمنٹ اتھارٹی آزاد کشمیر کے مطابق زلزلے سےسولہ سو انیس مکانات مکمل طور پر تباہ اورسات ہزار ایک سو مکانات کو جزوی نقصان پہنچا جبکہ پانچ سو اسی مال مویشیوں کے باڑوں کو نقصان بھی ہوا۔

Comments

comments

یہ بھی پڑھیں