site
stats
عالمی خبریں

یورپ میں تارکین وطن کی آمد روکنےکیلئے ترکی اور یورپی یونین کے درمیان معاہدہ

برسلز:‌یورپ میں تارکین وطن کی آمد کو کنٹرول کرنے کے لیے ترکی اور یورپی یونین کے درمیان معاہدہ طے پا گیا، ترکی مہاجرین کو اپنی سرحدوں میں محدود رکھنے کے بدلے میں دو ارب دس کروڑ یورو اور سیاسی مراعات لے گا۔

برسلز میں ترک وزیراعظم احمد داؤد اوغلو یورپی یونین حکام میں معاہدہ طے پاگیا، معاہدے کی رو سے مہاجرین کو ترک سرحدوں تک محدود رکھنےکی صورت میں ترکی کو دو ارب دس کروڑ یورو کی خطیر رقم اور سیاسی مراعات حاصل ہونگی۔

خیال رہے کہ رواں برس نو لاکھ پناہ گزین یورپ جا چکے ہیں، ان میں سے بیشتر کا تعلق شام، عراق اور افغانستان کے شورش زدہ علاقوں سے ہے اور اپنے سفر کے دوران انھوں نے ترکی میں عارضی طور پر قیام بھی کیا تھا۔

دوسری جانب انقرہ کو امید ہے کہ ان مذاکرات کے ذریعے ترکی کی یورپی یونین کی رکنیت کی درخواست کو ایک نئی تحریک بھی ملے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top