The news is by your side.

Advertisement

ہزاروں نوجوان یورپ کی مفت سیر کرسکیں گے

برسلز : یورپی یونین رواں برس گرمیوں میں ہزاروں 18 سالہ نوجوانوں کو مفت میں یورپی ممالک کا دورہ کرنے کا موقع فراہم کرے گی.

تفصیلات کے مطابق یورپین کمیشن نے جمعرات کے روز منصوبہ پیش کیا ہے کہ جس کے تحت 18 سالہ عمر کے ہزاروں نوجوان حالیہ گرمیوں میں پورے یورپ کا مفت دورہ کرسکیں گے، جو یورپ کو فروغ دینے کے کوششوں کا حصّہ ہے۔

یورپین کمیشن نے بیان میں کہا ہے کہ ای یو منصوبہ بندی کے ذریعے 15 ہزار یورپی نوجوانوں کو یونین کے 28 ممالک کا دورہ کرنے کے لیے اگلے ماہ سے ٹرین، بس، فیری کے فری ٹکٹ اور کچھ مواقع پر جہاز کے بھی مفت ٹکٹ فراہم کیے جائیں گے۔

یورپین کمیشن کی جانب سے خیال ظاہر کیا جارہا ہے کہ 15ہزار نوجوان افراد کو یہ موقع فراہم کیا جائے گا تاکہ وہ گرمیوں میں یورپ کا دورہ کرسکیں۔

کمیشن کا اپنے بیان میں کہنا تھا کہ ’مذکورہ منصوبہ یورپی نوجوانوں کو یورپ کے توانا ثقافت کو جاننے اور دیگر لوگوں سے رابطے میں لائے گا، یورپ کی مختلف ثقافتوں سے سیکھنے کو ملے گا اور یورپی یونین کے اتحاد کی وجہ بھی پتہ چلے گی۔

یورپی کمیشن کا کہنا تھا کہ مذکورہ منصوبے کے لیے یورپین پارلیمنٹ نے 1 کروڑ 20 لاکھ یورو کا بجٹ پاس کیا ہے۔

کمیشن کا مزید کہنا تھا کہ اس منصوببے کے لیے 18 سالہ عمر کے نوجوان جون 2018 کے میں درخواستیں جمع کرواسکتے ہیں، جن نوجوانوں کا انتخاب کیا جائے گا وہ 30 دنوں تک یورپ کے کسی بھی چار ممالک کا دورہ کرسکیں گے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں