برسلز: بیماریوں کی روک تھام اور کنٹرول کے یورپی مرکز نے کووِڈ 19 گرین لسٹ اپ ڈیٹ کر دی ہے۔
تفصیلات کے مطابق ای سی ڈی سی نے اپنی تازہ ترین اپ ڈیٹ میں بتایا ہے کہ کئی یورپی ممالک اور علاقوں میں گزشتہ دو ہفتوں میں کرونا وبا کی شرح میں کمی آنے کے باعث یہ گرین لسٹ میں آگئے ہیں۔
گرین لسٹ میں آنے والے ممالک میں جرمنی، پولینڈ، جمہوریہ چیک، سلوواکیہ، آسٹریا، ہنگری، سلووینیا، رومانیہ، بلغاریہ، لیٹویا، لیکٹنسٹائن، اور ناروے، کروشیا اور اٹلی کے کئی علاقے گرین لسٹ میں آگئے ہیں۔
ای سی ڈی سی کے مطابق 5 اگست کو گرین لسٹ میں شامل کیے گئے ان علاقوں میں آمد و رفت بحال ہوگئی ہے۔
مذکورہ ممالک اور علاقوں کو گرین لسٹ میں شامل کرنے کا فیصلہ گزشتہ دو ہفتوں کے دوران فی 1 لاکھ رہائشیوں میں کرونا کیسز کی 75 سے کم تعداد کی نشان دہی کے بعد کیا گیا ہے۔
ایسے ممالک کو بھی گرین لسٹ میں رکھا گیا ہے جہاں فی 1 لاکھ افراد میں کرونا کیسز کی تعداد 50 سے کم رہی ہے، جب کہ گرین لسٹ میں شامل ہر ملک میں مکمل ویکسینیٹڈ افراد کی اوسط شرح تقریباً 50 فی صد ہے۔
