The news is by your side.

Advertisement

یوروکپ2016،جرمنی نے اٹلی کو شکست دے دی

بورڈو : یوروکپ کے تیسرے کواٹر فائنل میں جرمنی نے پنلٹی شوٹ آؤٹ پر اٹلی کو پانچ کے مقابلے میں چھ گول سے ہرا کر سیمی فائنل کے لیے کوالیفائی کر لیا ہے.

تفصیلات کے مطابق یوروکپ 2016 کے تیسرے کوارٹر فائنل کا میچ فرانس کے شہر بورڈو میں کھیلا گیا،میچ کے پہلے ہاف میں کوئی ٹیم بھی گول کرنے میں کامیاب نہ ہو سکی.

دوسرے ہاف کے 64ویں منٹ میں میسو اوزل نے شاندار گول کر کے جرمنی کو برتری دلا دی، پہلے گول کے چند منٹ بعد جرمنی کو گول کرنے کا ایک اور موقع ملا جب ماریو گومز نے گیند کو گول میں پھینکنے کی کوشش کی لیکن اٹلی کے گول کیپر نے انتہائی شاندار انداز میں گیند کو گول سے باہر پھینک دیا.

پنلٹی ایریا میں گیند جرمنی کے کھلاڑی جیروم بوٹنگ کے بازو سے ٹکرائی گئی جس پر ریفری نے اٹلی کو پنلٹی کک دی جسے لیونارڈو بنوچی نے گول میں بدل کر میچ کو برابر کردیا،میچ کے ایکسٹرا ٹائم کے خاتمے پر میچ ایک ایک گول سے برابر رہا.

دونوں ٹیموں نے پانچ مقررہ پنلٹی ککس پر دو دو پنلٹی ککس مس کیں جس کے بعد میچ ’سڈن ڈیتھ‘ مرحلے میں داخل ہوگیا،دونوں ٹیموں نے کل نو نو پنلٹی ککس لگائیں جس پر جرمن ٹیم نے چھ گول کیے جبکہ اٹلی پانچ گول کر سکا.

یاد رہےگذشتہ یورو کپ میں جرمنی اور اٹلی کا سیمی فائنل میں ٹکراؤ ہوا تھا جس میں اٹلی نے جرمنی کو شکست دی تھی.

Print Friendly, PDF & Email

Comments

comments

یہ بھی پڑھیں