site
stats
عالمی خبریں

برلن حملے کے بعد کینیڈا‘یورپ میں سیکیورٹی ہائی الرٹ

ٹورنٹو: برلن حملے کے بعد کینیڈا سمیت یورپ بھر میں سیکیورٹی بڑھا دی گئی۔

غیر ملکی میڈیا کے مطابق برطانیہ ‘ کینیڈااور یورپی ممالک میں سیکیورٹی الرٹ کردی گئی ہے ، کینیڈا میں کرسمس بازاروں کے داخلی مقامات پر حفاظتی اقدامات سخت کردئیے گئے اور بازاروں میں پولیس کی اضافی نفری تعینات کردی گئی اور لوگوں کی تلاشی لی جارہی ہے۔

دوسری جانب لندن پولیس نے خبردار کیا ہے کہ دہشتگرد کرسمس اور نئے سال پر لندن میں برلن طرز کا حملہ کرسکتے ہیں جبکہ میٹرو پولیٹن پولیس کا کہنا ہے کہ دہشتگرد حملے کے لیے بڑی گاڑی سمیت مختلف حربے استعمال کرسکتے ہیں۔

پولیس نے شہریوں کو محتاط رہنے کی ہدایت جاری کردی جبکہ فرانس،اٹلی ،چیک ریبلک ،ڈنمارک میں مختلف مقامات پر بھی سیکورٹی سخت کردی گئی ہے جبکہ برطانوی شہریوں سے کہا گیا ہے وہ عوامی مقامات میں قائم کسمس مارکٹس جانے سے اجتناب کریں۔


مزید پڑھیں : برلن :کرسمس بازار میں ٹرک نےشہریوں کو کچل دیا، 12افرادہلاک


یاد رہے گذشتہ روز جرمن دارلحکومت برلن میں ٹرک لوگوں پر چڑھا دیا تھا، جس کے نتیجے میں بارہ افراد ہلاک اور اڑتالیس زخمی ہوئے تھے، برلن میں ٹرک سے لوگوں کو کچلنے والا ملزم تاحال مفرور ہے۔

جرمن پولیس نے وارننگ جاری کر دی ہے، مفرور ملزم مزید حملے کر سکتا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top