دبئی: یورپ میں ایک تہائی کوکین سپلائی کرنے والا برطانوی منشیات فروش دبئی سے گرفتار کر لیا گیا۔
تفصیلات کے مطابق 6 انتہائی مطلوب برطانوی، ڈچ، ہسپانوی اور فرانسیسی شہریوں کو، جنھیں ’ڈرگ لارڈز‘ کے نام سے جانا جاتا تھا، دبئی میں گرفتار کیا گیا ہے، یہ ایک ’سپر کارٹیل‘ تھا جو یورپ کی کوکین کی تجارت کا ایک تہائی کنٹرول کرتا تھا۔
خبر رساں ایجنسی کے مطابق منشیات فروشی کے برطانوی سرغنہ کو اسپین سے فرار ہو کر دبئی پہنچنے پر گرفتار کیا گیا۔
میڈیا رپورٹس کے مطابق منشیات فروشوں کا سرغنہ اسپین میں بیٹھ کر منشیات کا دھندہ چلا رہا تھا، اسپین، فرانس، بیلجیئم، نیدرلینڈز اور متحدہ عرب امارات میں بھی 30 ٹن سے زائد منشیات ضبط کی گئیں۔
Police in six countries have taken down a "super cartel” of drugs traffickers who controlled around one-third of Europe’s cocaine trade, the European Union crime agency has said
Read more here 👉 https://t.co/Zr2r7bfjza pic.twitter.com/Op540fK5iJ
— Sky News (@SkyNews) November 28, 2022
پانچ ممالک میں چھاپوں کے دوران گروہ کے 49 مشتبہ ارکان کو گرفتار کیا گیا، یوروپول کے مطابق ایک بہت بڑی منشیات سپر کارٹیل کو ختم کر دیا گیا ہے جو یورپ کی کوکین کی ایک تہائی تجارت کو کنٹرول کرتا تھا۔
اسپین میں 15 افراد کو گرفتار کیا گیا، جہاں تفتیش کاروں نے 24 ملین یورو کے اثاثے بھی ضبط کیے، دبئی میں گرفتار افراد میں سے ایک برطانوی شہری بھی ہے، جسے ہسپانوی پولیس نے ’تنظیم کا سربراہ‘ قرار دیا ہے۔
’یورپی سپر کارٹیل‘ کے نام سے موسوم یہ گینگ انڈر ورلڈ میں ڈرگ لارڈز کے نام سے جانا جاتا تھا، اور اس کا پورے یورپ میں نیٹ ورک تھا، خیال کیا جاتا ہے کہ ان کے مافیا کی بدنام زمانہ شخصیات سے روابط ہیں۔
