تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

دبئی: یورپی سیاحوں کی تعداد میں اضافہ

ریاض: متحدہ عرب امارات کے شہر دبئی میں یورپی سیاحوں کی تعداد میں اضافہ ہوگیا، رواں برس یورپ سے 60 لاکھ سے زائد مسافروں نے دبئی کا رخ کیا۔

اردو نیوز کے مطابق متحدہ عرب امارات میں دبئی کی سیاحت کے حوالے سے جاری اعداد و شمار کے مطابق رواں سال کے ابتدائی 4 ماہ میں مغربی یورپ سے 13 لاکھ سے زائد سیاحوں نے دبئی کا رخ کیا۔

جنوری 2023 سے اپریل تک دبئی میں آنے والے سیاحوں میں سب سے زیادہ تعداد مغربی یورپ سے آنے والوں کی تھی جن کا تناسب مجموعی طور پر 22 فیصد رہا۔

گزشتہ چار ماہ کے دوران مجموعی طور پر دبئی آنے والے سیاحوں کی تعداد 60 لاکھ سے زیادہ رہی۔

مغربی یورپی سیاحوں کے بعد دوسرے نمبر پر جرمنی سے آنے والے سیاح تھے جن کی تعداد 2 لاکھ 69 ہزار رہی جبکہ تیسرے نمبر پر فرانس رہا جہاں سے سیاحت کے لیے 1 لاکھ 35 ہزار افراد دبئی پہنچے۔

اٹلی سے دبئی آنے والے سیاحوں کی تعداد 1 لاکھ 4 ہزار تھی جس کے ساتھ اٹلی سے دبئی کی سیاحت کا نمبر چوتھا رہا۔

سروے رپورٹ میں مزید کہا گیا ہے کہ اس سال جنوری سے اپریل کے درمیانی عرصے میں 8 ممالک سے سیاح دبئی آئے جن کی تعداد کرونا وبا سے قبل یعنی 2019 سے تجاوز کر گئی ہے۔

جن 8 ممالک سے سیاحوں نے دبئی کا رخ کیا ان میں امریکا، کینیڈا، جرمنی، روس، عراق، قازقستان، بھارت اور ایران شامل تھے۔

رواں برس کے ابتدائی 4 ماہ میں جنوبی ایشیا سے 963 ہزار سیاح متحدہ عرب امارات آئے۔

جی سی سی ممالک سے 842 ہزار جبکہ مشرق وسطیٰ اور شمالی افریقہ سے 7 لاکھ 82 ہزار سیاح امارات آئے ہیں۔

Comments

- Advertisement -