ایون فیلڈ ریفرنس : حسن اور حسین نواز کی گرفتاری کیلئے ایف آئی اے کا انٹرپول کو خط -
The news is by your side.

Advertisement

ایون فیلڈ ریفرنس : حسن اور حسین نواز کی گرفتاری کیلئے ایف آئی اے کا انٹرپول کو خط

اسلام آباد : ایون فیلڈ ریفرنس میں مطلوب اشتہاری ملزمان حسن اور حسین نواز کی گرفتاری کیلئے وزارت داخلہ نے ایف آئی اے کو ریڈ وارنٹ جاری کرنے کی منظوری دے دی، خط وزارت داخلہ کی منظوری کے بعد انٹرپول کو لکھا گیا۔

تفصیلات کے مطابق ایون فیلڈ ریفرنس میں مطلوب سابق وزیراعظم نوازشریف کے صاحبزادے حسن اور حسین نواز کو قانون کی گرفت میں لانے کیلئے ایف آئی اے نے انٹر پول کو خط لکھ دیا۔

ایف آئی اے نے مذکورہ خط وزرات داخلہ کی منظوری کے بعد انٹرپول کو ارسال کیا،وزارت داخلہ نے ایف آئی اے کو حسن نواز اور حسین نواز کی گرفتاری کے لیے انٹرپول سے رابطہ کرنے کی ہدایت کی ہے اور اس حوالے سے ایف آئی اے کو تحریری ہدایت نامہ بھیجا گیا۔

احتساب عدالت دونوں بھائیوں کو اشتہاری قرار دے کر ان کے دائمی وارنٹ جاری کرچکی ہے جبکہ اس سے قبل نیب کے چیئرمین جسٹس ریٹائرڈ جاوید اقبال نے بھی دونوں ملزمان کو انٹرپول کے ذریعے گرفتار کرنے کی منظوری دی تھی۔

Comments

comments

یہ بھی پڑھیں