ایون فیلڈ ریفرنس: لندن فلیٹس کے مقدمے کی اہم سماعت کل ہوگی احتساب عدالت
The news is by your side.

Advertisement

ایون فیلڈ ریفرنس: لندن فلیٹس کے مقدمے کی اہم سماعت کل ہوگی

اسلام آباد : شریف فیملی کے خلاف تینوں کرپشن ریفرنسز پر فیصلے کے لئے عید کی چھٹیوں کے بعد کل سے لندن فلیٹس کے مقدمے کی اہم سماعت ہوگی، احتساب عدالت نے ایون فیلڈ ریفرنس میں مریم نواز کے وکیل کوحتمی دلائل کے لئے طلب کر رکھا ہے۔

تفصیلات کے مطابق نواز شریف فیملی کے خلاف تینوں کرپشن ریفرنسز پر فیصلے کے لئے ڈیڈ لائن ختم ہونے میں صرف اکیس دن رہ گئے۔

نوازشریف خاندان کےخلاف کرپشن کیسز نمٹانے کے لئے کاونٹ ڈاؤن جاری ہے، احتساب عدالت کے پاس صرف اکیس دن باقی رہ گئے، سپریم کورٹ نے دس جون کو ٹرائل کی مدت تیسری بار بڑھاتے ہوئے تینوں ریفرنسز پر ایک ماہ میں فیصلے کا حکم دیا تھا۔

چیف جسٹس نے ریمارکس دئیے تھے ملزمان اور قوم کی ذہنی اذیت ختم ہونی چاہیئے۔ احتساب عدالت نے لندن فلیٹس سے متعلق ایون فیلڈ ریفرنس میں مریم نواز کے وکیل امجد پرویز کو حتمی دلائل کے لئے انیس جون کو طلب کررکھا ہے۔

نواز شریف کے نئے وکیل جہانگیر جدون کو العزیزیہ ریفرنس میں واجد ضیاء پر جرح کرنی ہے۔ نواز شریف اورمریم نواز کے لندن میں ہونے پر اُن کی جانب سے حاضری سے استثناء کی درخواست دائرکئے جانے کا امکان ہے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں