دنیا کا ہر آٹھواں شخص بوڑھا ہے، رپورٹ -
The news is by your side.

Advertisement

دنیا کا ہر آٹھواں شخص بوڑھا ہے، رپورٹ

نیویارک: امریکی ماہرین کا کہنا ہے کہ دنیا کے ہر 8 میں سے ہر ایک شخص کی عمر 60 برس یا اُس سے زائد ہے جبکہ مردوں کی اوسط عمر 70 اور خواتین کی 74 سال ریکارڈ کی گئی۔

تفصیلات کے مطابق اقوام متحدہ کی جانب سے دنیا بھر میں بوڑھے افراد کی تعداد کے حوالے سے ایک رپورٹ جاری کی گئی جس میں بتایا گیا ہے کہ دنیا کی آبادی کا 9 فیصد حصے بزرگوں پر مشتمل ہے۔

رپورٹ کے مطابق 59.6 فیصد بزرگ ایشیا کے مختلف ممالک میں رہائش پذیر ہیں جبکہ 16.9 فیصد افریقہ، 9.7 فیصد یورپ، 8.5 فیصد لاطینی امریکا اور 5.3 فیصد بحراوقیانوس و شمالی امریکا میں مقیم ہیں۔

مزید پڑھیں: بزرگ افراد صحت مند بڑھاپا کیسے گزاریں؟

اقوام متحدہ کی رپورٹ کے مطابق مردوں کی آبادی عورتوں کے مقابلے میں زیادہ ہیں جس کی وجہ سے ہر 100 عورتوں کے مقابلے میں 102 بوڑھے مرد ہیں۔

عالمی آبادی فنڈ کی مدد سے تیار کردہ رپورٹ کے مطابق دنیا میں مردوں کی اوسط عمر 70 جبکہ خواتین کی 74 سال ریکارڈ کی گئی ہے، دنیا کے مختلف ممالک میں 26 فیصد 10 سے 24 سال، 15 سے 64 سال کی عمر کے 65 فیصد جبکہ 65 سے زائد عمر کے افراد 9 فیصد ہیں۔

Comments

comments

یہ بھی پڑھیں