پی ٹی آئی رہنماؤں نے شہید ارشد شریف پر قتل سے پہلے تشدد کی شدید مذمت کرتے ہوئے مطالبہ کیا ہے سپریم کورٹ اس پر متحرک کردار ادا کرے۔
فواد چوہدری نے سماجی رابطوں کی ویب سائٹ ٹوئٹر پر اپنے ٹوئٹ میں کہا ہے کہ ارشد شریف شہید پر تشدد کی شہادتیں انتہائی قابل مذمت ہیں، ایک عمومی ردعمل کافی نہیں ہوگا بلکہ سپریم کورٹ ان معاملات پر متحرک کردار ادا کرے۔
ارشد شریف شہید پر تشدد کی شہادتیں انتہائ قابل مذمت ہیں ، سپریم کورٹ ان معاملات پر متحرک کردار ادا کرے، ایک عمومی رد عمل کافی نہیں ہو گا ، عمران خان پر قاتلانہ حملہ، اعظم سواتی پر جسمانی اور ذھنی تشدد اور ارشد شریف کی شہادت تینوں معاملات کی مکمل تحقیق سپریم کورٹ پر لازم ہے
— Ch Fawad Hussain (@fawadchaudhry) November 9, 2022
فواد چوہدری نے مزید کہا ہے کہ عمران خان پر قاتلانہ حملے، اعظم سواتی پر جسمانی اور ذہنی تشدد اور ارشد شریف کی شہادت تینوں معاملات کی مکمل تحقیق سپریم کورٹ پر لازم ہے۔
اپنے ایک اور ٹوئٹ میں سابق وفاقی وزیر نے کہا کہ ارشد شریف پر تشدد کی شہادتوں سے پاکستانی حکومت کا یہ موقف بھی غلط ثابت ہوا کہ وہ شناخت کی غلطی کا شکار ہوئے، اس شہادت کی مکمل تحقیقات مکمل ضروری ہے۔
ارشد شریف شہید پر تشدد کی شہادتوں سے پاکستان کی حکومت کا مؤقف غلط ثابت ہوا کہ وہ Mistaken Identity کا شکار ہوئے، اس شہادت کی مکمل تحقیق انتہائ ضروری ہے
— Ch Fawad Hussain (@fawadchaudhry) November 9, 2022
ایک اور پی ٹی آئی رہنما علی زیدی نے بھی اپنے ٹوئٹ میں اس بارے میں اظہار خیال کرتے ہوئے کہا ہے کہ شہید کرنے سے پہلے ارشد شریف پر تشدد کا سن کر دھچکا لگا۔
Really upsetting to found out that #ShaheedArshadSharif was tortured before he was martyred.
What is more disturbing is the way Kamran Shahid without showing any respect or sensitivity towards his family & loved ones went on air with these graphic images.
What is becoming of us?— Ali Haider Zaidi (@AliHZaidiPTI) November 9, 2022
انہوں نے مزید کہا کہ نجی چینل کے اینکر نے شہید ارشد شریف کے پیاروں کا بھی کچھ خیال نہیں کیا اور اہلخانہ کے جذبات کا خیال کیے بغیر تصویریں چینل پر نشر کردیں
علی زیدی نے نجی چینل کے اینکر کے اس رویے پر سوال اٹھایا کہ ہم کیا بنتے جا رہے ہیں؟