site
stats
کھیل

ڈھاکہ، بنگلہ دیشی اسپنر عبدالرزاق کار حادثے میں زخمی

ڈھاکہ: بنگلہ دیشی اسپنر عبدالرزاق کار حادثے میں زخمی ہوگئے۔

بنگلہ دیشی میڈیا کے مطابق کرکٹر عبدالرزاق اپنے اہلخانہ کے ہمراہ عید الفطر کی چھٹیاں منانے کے بعد کھلنا سے دارالحکومت آرہے تھے کہ ڈھاکہ کھلنا ہائی وے پر ان کی گاڑی کو حادثہ پیش آیا۔

اطلاعات کے مطابق حادثہ گاڑی کا ٹائر پھٹنے کے باعث پیش آیا، ٹائر پھٹنے کے باعث گاڑی کھائی میں جاگری۔

زخمیوں کو طبی امداد کے لیے اسپتال منتقل کردیا گیا، حادثے کے وقت کرکٹر عبدالرزاق کے ہمراہ ان کی اہلیہ عشرت جہاں، ان کا 2 سال کا بیٹا ادیان، بہن اور دو بھتیجیاں موجود تھیں۔

سابق بنگلہ دیشی کپتان مشفیق الرحیم نے بھی سوشل میڈیا پر عبدالرزاق کے حادثے میں زخمی ہونے کی تصدیق کرتے ہوئے تمام افراد سے دعاؤں کی درخواست کی ہے۔

یاد رہے کہ کرکٹر عبدالرزاق ان دنوں موجودہ بنگلہ دیشی ٹیم کا حصہ نہیں ہیں تاہم قبل ازیں رزاق نے بنگلہ دیش کی جانب سے 153 ون ڈے میچز، 34 ٹی ٹوئنٹی میچز ٹیم کی نمائندگی اور زمبابوے کے خلاف تیز ترین نصف سنچری بھی بنانے کا اعزاز بھی حاصل کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top