The news is by your side.

Advertisement

سابق کمشنر سرگودھا کیخلاف منی لانڈرنگ کی نیب تحقیقات کا آغاز

اسلام آباد : قومی احتساب بیورو نے سابق کمشنر سرگودھا کیخلاف منی لانڈرنگ کی تحقیقات کا آغاز کردیا، ظفر اقبال شیخ پر کرپشن اوراختیارات کے ناجائز استعمال کا بھی الزام ہے۔

تفصیلات کے مطابق قومی احتساب بیورو کی کرپشن اور منی لانڈرنگ کیخلاف کارروائیاں جاری ہیں اس سلسلے میں نیب اسلام آباد نے سابق کمشنر سرگودھا کیخلاف منی لانڈرنگ کی تحقیقات کا آغاز کردیا ہے۔

اس حوالے سے قومی احتساب بیورو ذرائع کا کہنا ہے کہ ظفر اقبال شیخ پر62 جائیدادیں غیرقانونی طریقے سے بنانے کا الزام ہے۔

اس کے علاوہ ظفر اقبال شیخ پر کرپشن اوراختیارات کے ناجائز استعمال کا بھی الزام ہے، سابق کمشنر نے منی لانڈرنگ سے اپنے بیٹوں کو بھاری رقم لندن بھجوائی۔

نیب ذرائع کے مطابق منی لانڈرنگ کی رقم سے لندن میں ایک کمپنی بنائی گئی، ابتدائی تحقیقات میں سابق افسر جائیدادوں کی منی ٹریل نہیں بتا سکے۔

ذرائع کا مزید کہنا ہے کہ آئندہ ایگزیکٹو بورڈ کے اجلاس میں باضابطہ انکوائری کی منظوری دی جائے گی، نیب لاہور سابق بیورو کریٹ کیخلاف تحقیقات کر رہا ہے۔

Comments

یہ بھی پڑھیں