تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فرانس کے سابق صدر نکولس سرکوزی کو گرفتار کرلیا گیا

پیرس: فرانس کے سابق صدر نکولس سرکوزی کو انتخابات میں لییبا کے سابق رہنما معمر قذافی سے فنڈز حاصل کرنے کے الزام میں گرفتار کرلیا گیا۔

غیر ملکی خبر رساں ادارے کے مطابق سابق فرانسیسی صدر کو عدالت میں پیشی کے دوران گرفتار کرنے کا حکم دیا گیا، سرکوزی پر 2007 کی انتخابی مہم کے دوران لیبیا کے رہنما معمر قذافی سے بھاری رقوم لینے کے الزامات ہیں۔

تحقیق کار ان دعوؤں کی بھی جانچ کررہے ہیں جن میں کہا گیا کہ قذافی حکومت نے سرکوزی کو ان کی صدارتی مہم کے لیے خفیہ طور پر 5 کروڑ یورو پہنچائے تھے۔

جولائی 2014 میں بھی نکولس سرکوزی کو مبینہ طور پر اپنے اثرو رسوخ کے استعمال کے الزام میں حراست میں لے کر ان سے تفتیش کی گئی تھی۔

واضح رہے کہ فرانسیسی صدر نکولس سرکوزی 2007 سے 2012 کے دوران فرانس کے صدر رہے، سرکوزی کو گرفتاری کے بعد پیرس کے نواحی علاقے میں منتقل کیا گیا جہاں ان سے تفتیش کی گئی۔

سابق فرانسیسی صدر اور قذافی حکومت کا آپس میں گہرا تعلق تھا، صدر بننے کے بعد سرکوزی نے معمر قذافی کو سرکاری دورے پر فرانس بلاکر ان بھرپور خیرمقدم کیا تھا۔

دوسری جانب سرکوزی نے فرانس کو نیٹو اتحاد کے ان ممالک میں پیش پیش رکھا جنہوں نے 2011 میں قذافی کی فورسز پر کاری ضربیں لگائیں اور ان کی حکومت کے سقوط کے لیے اپوزیشن کی مدد کی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

- Advertisement -