site
stats
بزنس

پاک فوج معاشی زبوں حالی سےلاتعلق نہیں رہ سکتی،سابق صدر ایف پی سی سی آئی

fpcci

اسلام آباد : سابق صدر فیڈریشن آف چیمبر کامرس اینڈ انڈسٹریز محمد زبیر نے کہا ہے کہ پاک فوج معاشی زبوں حالی سےلاتعلق نہیں رہ سکتی، ادارے سے محاذ آرائی سے معاشی عدم استحکام بڑھے گا، ڈی جی آئی ایس پی آرکا بیان حقائق پرمبنی تھا۔

یہ بات انہوں نے اپنے ایک بیان میں کہی، سابق صدر ایف پی سی سی آئی نے کہا کہ فوج ملکی معیشت کی زبوں حالی سے لاتعلق نہیں رہ سکتی ڈی جی آئی ایس پی آرکا بیان حقائق پرمبنی تھا۔

درجنوں ملکی وغیر ملکی ادارے پاکستانی معیشت پربیان دیتے ہیں اسی طرح ملکی سلامتی کاضامن ادارہ بھی اس حوالے سے اپنی رائے دے سکتا ہے۔

سابق صدرایف پی سی سی آئی محمد زبیر نے مزید کہا کہ ملکی معیشت کی بہتری کیلئے حکومت کی سیاسی معاشی سمت کی درستی ضروری ہے۔

محمد زبیر نے پاک فوج کو خراج تحسین پیش کرتے ہوئے کہا کہ دشمن ممالک کی سازشوں کے باوجود پاک فوج کی ہی کوششوں سے سی پیک بر وقت مکمل ہو رہا ہے۔


مزید پڑھیں: ڈی جی آئی ایس پی آر معیشت پر بیانات دینے سے گریز کریں، احسن اقبال


کینیڈین مغویوں کی بازیابی پاک فوج کا بڑا کارنامہ ہے، جس سے امریکی رویے میں مثبت تبدیلی آئی ہے، جو خوش آئند ہے۔

انہوں نے کہا کہ آرمی چیف نے وفاقی چیمبر کے پلیٹ فارم سے گفتگو کرکے کاروباری برادری کےاعتماد میں اضافہ کیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top