The news is by your side.

Advertisement

پاکستان نے بھارتی قیدیوں کی فہرست بھارتی ہائی کمیشن کے حوالے کردی

اسلام آباد : پاکستان نے جیلوں میں 628 بھارتی قیدیوں کی فہرست بھارتی ہائی کمیشن کے حوالے کردی جبکہ بھارت کی جانب سے بھی 355 پاکستانی قیدیوں کی فہرست شیئر کی گئیں۔

تفصیلات کے مطابق ترجمان دفترخارجہ کی جانب سے بیان میں کہا گیا ہے کہ نئے سال کے آغاز پر پاکستان اور بھارت کے درمیان قیدیوں کی فہرستوں کا تبادلہ کیا گیا ، پاکستان نے بھارتی ہائی کمیشن کے ساتھ 628 بھارتی قیدیوں کی فہرست شیئرکیں۔

ترجمان کا کہنا ہے کہ بھارت میں موجود 355 پاکستانی قیدیوں کی فہرست شیئر کی گئیں، قونصلر رسائی کے معاہدے کے تحت قیدیوں کی فہرستوں کا تبادلہ کیاگیا دونوں ممالک کوسال میں2بار قیدیوں کی فہرست میں تبادلہ کرناہوتاہے۔

یاد رہے کہ پاکستان اور بھارت کے درمیان قیدیوں کی معلومات 21 مئی 2008 میں ہونے والے معاہدے کے تحت دی گئی، دونوں ممالک سال میں 2 بار، یکم جنوری اور یکم جولائی کو قیدیوں کی فہرست کے تبادلے کے پابند ہیں۔

دونوں‌ ممالک میں ایک دوسرے کے سیکڑوں شہری قید ہیں‌ جن میں بڑی تعداد ماہی گیروں‌ کی ہے جو سمندری حدود کی نشاندہی نہ ہونے کے سبب دوسرے ملک کی حدود میں‌ داخل ہوجاتے ہیں‌ جہاں‌ سمندری حدود کی خلاف ورزی پر میری ٹائم سیکیورٹی کے اہلکار انہیں‌ پکڑ کر لے جاتے ہیں۔

Comments

یہ بھی پڑھیں