The news is by your side.

Advertisement

سال 2021 میں آپ کو کون سی ورزش کرنی چاہیئے؟

طبی ماہرین نے سال 2021 کے لیے چند ورزشیں تجویز کی ہیں جو مشکل معلوم ہوتی ہیں لیکن وزن کم کرنے کے لیے بہت مؤثر ہوسکتی ہیں۔

ماہرین کی جانب سے تجویز کردہ ہائی انٹینسٹی انٹر ویل ٹریننگ اور ورزشیں برپیز، اسکواٹس جمپس، پلانک جیکس، لنجز ود این اوبلیق ٹوئسٹ شامل ہیں جن کے ذریعے دنوں میں وزن میں کمی لائی جا سکتی ہے۔

برپیز

برپیز ایک ایسی ورزش ہے جس کے دوران پورا جسم سینہ، پیٹ، ٹانگوں اور بازوؤں کے پٹھے ایک ساتھ متحرک ہوتے ہیں جس کے نتیجے میں زیادہ کیلوریز کو جلنے میں مدد ملتی ہے۔

اس ورزش کو کرنے کے لیے سیدھے کھڑے ہو جائیں اور اپنے بازوؤں کو اوپر کی جانب سیدھا کر لیں، اب اسکواٹس یعنی بیٹھک کی پوزیشن میں آئیں اور اس کے بعد پلانک کی پوزیشن میں اپنے جسم کو بازوؤں اور پاؤں کی مدد سے زمین سے اوپر رکھیں، اب اپنے پاؤں کو موڑیں اور چھلانگ لگاتے ہوئے دوبارہ کھڑے ہو جائیں۔

یہ ورزش روزانہ 10 منٹ تک دو حصوں میں کریں، ہر حصے میں 10 بار یہی عمل دہرائیں، برپیز کرنے کے بعد زیادہ سے زیادہ 5 منٹ کا وقفہ لیں، اس کے بعد اسکواٹس جمپ شروع کر دیں۔

اسکواٹس جمپ

اس ورزش کے لیے سیدھے کھڑے ہو جائیں اور ہاتھوں کو اوپر کی جانب سیدھا کرلیں، پاؤں کے درمیان 1 سے ڈیڑھ فٹ کا فاصلہ رکھیں، اب چھلانگ لگاتے ہوئے نیچے کی جانب ایسے جائیں جیسے کسی کرسی پر بیٹھ رہے ہوں، اس عمل کو 10 منٹ میں 2 بار دہرائیں، ہر سیٹ میں 10 اسکواٹس ضرور کریں۔

پلانک جیکس

اس ورزش سے پیٹ کے پٹھے مضبوط ہوتے ہیں، چربی کو پگھلنے میں مدد ملتی ہے، عام پلانک ورزش کی طرح زمین پر الٹا لیٹ جائیں، اب اپنے ہاتھوں اور پاؤں کی مدد سے اپنا سارا جسم زمین سے اوپر اٹھالیں، ہاتھوں پر گرفت مضبوط رکھتے ہوئے اب جمپنگ جیکس کی طرح چھلانگ لگاتے ہوئے فاصلہ لائیں اور دوبارہ ٹانگوں کو ایک ساتھ ملا لیں، اس ورزش کو بھی 10 منٹ تک 2 سیٹ بنا کر کریں، ہر سیٹ میں کم از کم 20 پلانک جیکس ضرور لگائیں۔

لنجز ود این اوبلیق ٹوئسٹ

لنجز وِد این اوبلیق ٹوئسٹ ورزش براہ راست آپ کے پیٹ اور ٹانگوں کے پٹھوں کو متحرک کر کے انہیں سڈول شکل دیتی ہے، اس ورزش سے برداشت پیدا ہوتی ہے اور خود کو متوازن رکھنے میں بھی مدد ملتی ہے۔

اس ورزش کو کرنے سے پہلے اپنے پاؤں پر سیدھا کھڑے ہو جائیں اور آگے کی جانب ایک لمبا قدم بڑھائیں، اب پچھلی ٹانگ کے گھٹنے کے اوپر خود کو بیٹھنے میں مدد دیں، اور آگے والی ٹانگ کو موڑ لیں، اس کے بعد اپنے ہاتھوں کو آگے کی جانب سیدھا کرتے ہوئے دائیں اور بائیں جانب ہلکی رفتار سے موڑیں۔

اب سیدھا کھڑے ہو جائیں، اس بار جو ٹانگ پہلے پیچھے تھی اب آگے کی جانب رکھیں اور آگے والی ٹانگ کو پیچھے کی جانب، اگر اس ورزش کے دوران آپ کو گرنے کا ڈر ہو تو کسی کرسی کا سہارا بھی لے سکتے ہیں، اس ورزش کو بھی لگاتار 10 منٹ تک کریں۔

ورزش دہرانے کے درمیان کم سے کم 20 سے 30 سیکنڈز کا وقفہ ضرور لیں۔

Comments

یہ بھی پڑھیں