The news is by your side.

Advertisement

نازیبا ویڈیوز کے ذریعے میڈیا پرسن کو بلیک میلنگ کرنے والی خاتون کو جیل ہوگئی

دبئی: متحدہ عرب امارات کی عدالت نے بلیک میلنگ کا الزام ثابت ہونے پر غیر ملکی خاتون کو 6 ماہ قید کی سزا سنا دی۔

اماراتی میڈیا کے مطابق 22 سالہ مراکشی خاتون پر الزام تھا کہ اس نے بحرین کے معروف میڈیا پرسن کی نازیبا ویڈیوز کے بدلے قریباً 2 لاکھ درہم رقم کا مطالبہ کیا تھا اور رقم کی عدم ادائیگی پر ویڈیوز اور تصاویر سوشل میڈیا پر وائرل کرنے کی دھمکی دی تھی۔

مراکشی خاتون بے روزگار تھی اور اس نے امیر شخصیت کو اپنے حسن کے جال میں پھنسا کر اسے بلیک میل کرنا شروع کردیا تھا جس پر شکایت کنندہ نے عدالت سے رجوع کیا اور تمام تر ثبوتوں کی بنیاد پر کورٹ نے خاتون کو بلیک میلنگ کرنے کے جرم میں 6 ماہ قید کی سزا سنائی جب کہ اسے ملک بدر کرنے اور موبائل فون ضبط کرنے کے احکامات بھی جاری کیے۔

39سالہ بحرینی شخص نے جو نامور میڈیا پرسن اور ایڈمنسٹریٹوو ڈائریکٹر ہے، نے القسیس پولیس اسٹیشن میں رپورٹ درج کراتے ہوئے موقف اختیار کیا تھا کہ ایک مراکشی خاتون نے آن لائن ایپ کے ذریعے اس سے رابطہ کرکے تعلقات استوار کیے اور اپنے حسن کے جال میں پھنسا کر اس سے مکروہ فعل کروایا۔

شکایت کنندہ نے بتایا کہ بحرین میں ملاقات کے دوران خاتون نے بیڈ روم میں خفیہ کیمرے نصب کر رکھے تھے جس کے ذریعے اس نے ویڈیوز ریکارڈ کر لیں اور بعدازاں نازیبا تصاویر بھیج کر بلیک میل کرنے لگی، خاتون نے قریباً 2 لاکھ درہم کا مطالبہ کیا اور عدم ادائیگی پر ویڈیوز اور تصاویر سوشل میڈیا پر وائرل کرنے کی دھمکی دی۔

بحرینی شخص کی شکایت پر دبئی میں مذکورہ خاتون کو گرفتار کر کے اس کے قبضے سے تصاویر اور ویڈیوز برآمد کر لی گئیں اور پبلک پراسیکیوٹر نے یہ سارا مواد بطور ثبوت عدالت میں پیش کیا جس پر ملزمہ کو 6 ماہ قید کی سزا سنائی گئی۔

fb-share-icon0
Tweet 20

Comments

comments

یہ بھی پڑھیں