The news is by your side.

Advertisement

دبئی میں ایک شخص نے خاتون کو زیادتی کا نشانہ بنا ڈالا

دبئی: متحدہ عرب امارات کی ریاست دبئی کے ایک ویلا میں ایک شخص نے خاتون کو زیادتی کا نشانہ بنا ڈالا۔

تفصیلات کے مطابق دبئی کے ویلا میں مصری شخص نے 35 سالہ فلپائی خاتون کو اس وقت زیادتی کا نشانہ بنایا جب وہ سو رہی تھی، جرم ثابت ہونے پر مجرم کو ایک سال کے لیے جیل بھیج دیا گیا۔

پبلک پراسیکیوٹر کی رپورٹ کے مطابق یہ واقعہ گزشتہ سال 21 ستمبر کو پیش آیا جب 23 سالہ مصری نوجوان نے دبئی کے علاقے البادا کے ویلا میں فلپائنی خاتون کو صبح 4 بجکر 30 منٹ پر زیادتی کا نشانہ بنایا۔

فلپائنی 35 سالہ خاتون نے موقف اختیار کیا کہ میں اور مذکورہ نوجوان دبئی کے ویلا کے علیحدہ علیحدہ کمروں میں ٹھہرے ہوئے تھے، میں اپنے کمرے میں سو رہی تھی جب اس نے مجھے زیادتی کا نشانہ بنایا، جب آنکھ کھلی تو وہ کمرے سے جاچکا تھا۔

مزید پڑھیں: بھارت: بی جے پی کا ایک اوررہنما خاتون سے زیادتی کے الزام میں گرفتار

زیادتی کا نشانہ بننے والی خاتون کا کہنا تھا کہ میں اپنے شوہر کے ساتھ مجرم کے خلاف ایف آئی آر درج کرائی۔

دبئی پولیس کے مطابق ملزم کا ڈی این اے کرایا گیا جس کی رپورٹ پازیٹو آںے کے بعد ملزم کو ایک سال کے لیے جیل بھیج دیا گیا تھا۔

دوسری جانب ملزم مصری نوجوان اپنے اوپر عائد الزامات کو مسترد کرتے ہوئے دوسری عدالت سے رجوع کرلیا ہے۔

یاد رہے کہ دو سال قبل دبئی کی عدالت نے کینیا سے تعلق رکھنے والی خاتون کے ساتھ زیادتی میں ملوث دو ملزمان پر فرد جرم عائد کردی گئی تھی جبکہ دو ملزمان زیادتی میں تعاون کے مرتکب پائے گئے تھے۔

Comments

comments

یہ بھی پڑھیں