واشنگٹن: امریکی بحریہ نے سمندر میں جدید ترین ہائی انرجی لیزر ہتھیار کا تجربہ کیا ہے۔
تفصیلات مطابق خلیج عدن کے سمندر میں امریکی بحریہ نے جہاز کی مدد سے جدید ترین ہائی انرجی لیزر ہتھیار کا تجربہ کیا، ہتھیاروں نے اپنے ہدف کو نشانہ بنایا۔
امریکا کی جانب سے جاری بیان میں گیا ہے کہ ملکی بحریہ نے یو ایس ایس پورٹ لینڈ(سمندری جہاز) پر نصب سالڈ اسٹیٹ لیزر(جدید ہتھیار) کی مدد سے ایک ساکت زمینی نشانے کو کامیابی سے تباہ کر دیا ہے۔
امریکی بحریہ نے اس ٹیسٹ کی تصاویر بھی ٹوئٹر پر جاری کردی ہیں۔
Bring out THE LASERS 💥 #USSPortland conducted a high-energy #laser weapon system demonstration on a static surface training target, Dec. 14, while sailing in the Gulf of Aden. #NavyCapability pic.twitter.com/AasAmjDDV1
— U.S. Navy (@USNavy) December 15, 2021
یاد رہے کہ اس سے قبل مئی 2020 کو پورٹ لینڈ پر نصب اس جدید گن کا تجربہ کیا گیا تھا جس سے بحر اوقیانوس میں ایک چھوٹے ڈرون طیارے کو ناکارہ بنایا گیا تھا۔
خیال رہے کہ امریکا کی جانب سے یہ ٹیسٹ ایسے موقع پر کیا گیا ہے کہ جب ایران کے جوہری معاہدے کی بحالی کے لیے آسٹریا کے دارالحکومت ویانا میں بات چیت چل رہی ہے اور کشیدگی کی سطح بھی بلند ہے۔