تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

دلہن بننے والی لڑکیوں کے لیے نادیہ حسین کی کارآمد ٹپس

کراچی: معروف بیوٹیشنز نادیہ حسین اور دیگر نے دلہن بننے والی لڑکیوں کے لیے نہایت کارآمد ٹپس بتائیں جنہیں اپنا کر برائیڈل میک اپ میں مزید خوبصورتی پیدا ہوسکے گی۔

اے آر وائی ڈیجیٹل کے مارننگ شو گڈ مارننگ پاکستان میں نادیہ حسین، اینجی مارشل اور بینش پرویز نے شرکت کی اور جلد شادی کے بندھن میں بندھنے والی دلہنوں کے لیے نہایت فائدہ مند ٹپس بتائیں۔

اینجی نے بتایا کہ دلہنوں میں ابٹن کا استعمال بہت عام ہے لیکن اس سے جلد خشک ہوجاتی ہے، اس کی وجہ سے برائیڈل میک اپ میں کافی دشواری پیش آتی ہے، انہوں نے بتایا کہ دلہنیں ابٹن کا استعمال چہرے پر نہ کریں۔

نادیہ حسین کا کہنا تھا کہ اکثر لڑکیاں جب برائیڈل میک اپ کرنے آتی ہیں تو وہ گھر سے ہی معمولی سا میک اپ کر کے آتی ہیں۔ اس کی وجہ سے چہرے پر کلینزر لگا کر اسے صاف کرنا، جلد کو نارمل ہونے دینا اور پھر میک اپ کرنا نہ صرف وقت لیتا ہے بلکہ جلد کے لیے بھی نقصان دہ ہے۔

بینش پرویز نے بتایا کہ دلہنوں کی تیاری کئی ماہ پہلے سے شروع ہوجانی چاہیئے اور ہر ماہ کم از کم چہرے کا فیشل ضرور ہو، دلہن بننے سے قبل آخری فیشل 2 سے 3 دن قبل کیا جاتا ہے۔

نادیہ نے بتایا کہ اکثر دلہنیں چہرے اور آئی بروز کی تھریڈنگ برائیڈل میک اپ کروانے والے دن ہی کرواتی ہیں جس سے میک اپ سیٹ نہیں ہونے پاتا، یہ کام ایک دن قبل انجام دے لینا چاہیئے۔

علاوہ ازیں اگر کسی نے لیزر ٹریٹمنٹ کروانی ہے تو وہ کم از کم 15 سے 20 دن قبل کروائے کیونکہ لیزر ٹریٹمنٹ کے بعد جلد کو مندمل ہونے میں کم از کم 15 روز کا وقت لگتا ہے۔

Comments

- Advertisement -