تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

خلیج عمان سے گزرنے والے "اسرائیلی” بحری جہاز میں دھماکا

مسقط: مشرق وسطیٰ کی سمندری حدود سے نکلنے والے اسرائیل کے سامان بردار بحری جہاز میں دھماکہ ہوا ہے۔

غیر ملکی خبر رساں ایجنسی کے مطابق سامان برداری بحری جہاز میں دھماکا خلیج عمان کے سمندر کی حدود میں ہوا، دھماکے کے فوری بعد بحری جہاز کو قریبی بندرگاہ کی طرف جانا پڑا، دھماکے میں جہاز اور اس کا عملہ محفوظ رہا۔

برطانوی نیوی کے میری ٹائم ٹریڈ آپریشز نے دھماکے کی تصدیق کی ہے، دوسری جانب میری ٹائم فرم دریاد گلوبل کے مطابق یہ متاثرہ جہاز ایم وی ہیلوس ہے جبکہ اقوام متحدہ کے ڈیٹا کے مطابق بحری جہاز اسرائیل کے دارالحکومت تیل ابیب میں واقع ’رے شپنگ‘ نامی کمپنی کا ہے۔

امریکی محکمہ دفاع کے حکام کا کہنا ہے دھماکے کی تفصیلات فی الحال واضح نہیں، تاہم دھماکے کے باعث جہاز میں سوراخ ہوئے ہیں۔

دریاد گلوبل میری ٹائم فرم کا مزید کہنا تھا کہ فوری طور پر دھماکے کی وجہ معلوم نہیں ہو سکی تاہم فرم کے مطابق ایرانی فوج کی سرگرمیاں دھماکے کی ممکنہ وجہ ہو سکتی ہیں۔

غیر ملکی خبر رساں ایجنسی کے مطابق ایران اور امریکہ کے درمیان بڑھتی ہوئی کشیدگی کے بعد خطے میں جہاز کی سیکیورٹی کے حوالے سے نئے خدشات نے جنم لیا ہے۔

امریکی میری ٹائم انتظامیہ نے بھی دھماکے کا نوٹس لیتے ہوئے تمام کمرشل جہازوں کو خلیج عمان سے گزرتے ہوئے احتیاط برتنے کی ہدایات جاری کی ہیں۔

Comments

- Advertisement -