The news is by your side.

Advertisement

کراچی میں دھماکا، ایک شخص جاں‌ بحق، کئی گاڑیاں تباہ

کراچی کے اہم کاروباری مرکز صدر میں دھماکے کے نتیجے میں ایک شخص جاں‌بحق اور کئی گاڑیاں تباہ ہو گئیں۔

دھماکا صدر کے علاقے داؤد پوتہ روڈ پر اس وقت ہوا جب ایک سرکاری گاڑی وہاں سے گزر رہی تھی۔ پولیس کو شبہ ہے کہ دھماکے میں سرکاری گاڑی کو نشانہ بنایا گیا ہے.

دھماکا اس قدر زوردار تھا کہ دور دور تک آواز سنائی دی گئی اور قریبی عمارتوں کے شیشے ٹوٹ گئے۔ دھماکے میں متعدد افراد کے زخمی ہونے کی بھی اطلاعات ہیں جنہیں قریبی اسپتالوں میں منتقل کر دیا گیا ہے۔

جائے دھماکا پر پولیس و رینجرز کے اہلکار اور بم ڈسپوذل اسکواڈ کا عملہ پہنچ چکا ہے اور سرچنگ کا عمل جاری ہے۔

پولیس کا کہنا ہے کہ دھماکے کے باعث 6 گاڑیوں کو نقصان پہنچا ہے ابتدائی اطلاع کےمطابق دھماکا خیزمواد کچرے کے ڈرم میں تھا۔

وزیراطلاعات سندھ

وزیراطلاعات سندھ شرجیل انعام میمن نے اے آر وائی نیوز سے گفتگو کرتے ہوئے کہا کہ افسوسناک دھماکے میں 3 افراد زخمی ہوئے ہیں جب کہ وزیراعلیٰ سندھ نے شہر بھر کے اسپتالوں میں ایمرجنسی نافذ کر کے زخمیوں کو مکمل طبی امداد فراہم کرنے کی ہدایت کی ہے۔

ڈائریکٹر جناح‌ اسپتال

ڈائریکٹرجناح اسپتال ڈاکٹر شاہدرسول کا کہنا ہے کہ دھماکےمیں جاں بحق ایک شخص کی لاش لائی گئی ہے جب کہ اب تک8 زخمیوں کو لایا گیا ہے، بال بیرنگ سےزیادہ افرادزخمی ہیں۔

Comments

یہ بھی پڑھیں