بھارتی دارالحکومت میں اسرائیلی سفارتخانےکے قریب دھماکے سے بھگدڑ مچ گئی۔
بھارتی میڈیا کے مطابق سخت سیکورٹی والے علاقے میں واقع اسرائیلی سفارتخانے کے قریب دھماکا ہوا جس میں کئی گاڑیوں کو نقصان پہنچا۔
پولیس کا کہنا ہے کہ کم شدت والے دھماکے میں کسی جانی نقصان کی اطلاع نہیں ملی۔ دھماکا خیز مواد سڑک کنارے نصب کیا گیا تھا تاہم اس کی نوعیت کے بارے میں حتمی طور پر کچھ نہیں کہا جا سکتا۔
Blast near Isreal embassy in Delhi | #ITLivestream https://t.co/HgrfjqDkPU
— IndiaToday (@IndiaToday) January 29, 2021
دہلی پولیس کے اسپیشل سیل کے اہلکار واقعے کی تحقیقات کررہے ہیں اور جائے دھماکا سے ابتدائی شواہد اکٹھے کر لیے گئے ہیں، اطراف کے علاقوں کو سیل کر کے سیکورٹی فورسز کی بھاری نفری کو تعینات کر دیا گیا ہے۔
بم ڈسپوذل اسکواڈ، فرانزک ٹیمیں، فائر بریگیڈ اور ایمبولینس اطلاع ملنے پر پہنچ چکے ہیں۔ پولیس کا کہنا ہے کہ پارکنگ میں کھڑی 4 گاڑیوں کو نقصان پہنچا ہے جب کہ کسی کے زخمی ہونے کی اطلاع نہیں ہے۔
