برسلز: بیلجئم کے ایئرپورٹ پردودھماکے ہوئے ہیں جن میں 13 افراد جاں بحق جبکہ متعدد افراد زخمی ہوئے ہیں، برسلز میں ہی میٹرو اسٹیشن پرہونےوالے دھماکے میں ہلاک ہونے والوں کی تعداد 15 ہوگئی ہے، دھماکوں کے بعد شہرکی سیکیورٹی ہائی الرٹ کردی گئی ہے۔
تفصیلات کےمطابق برسلز سے دس کلومیٹر کےفاصلے پرواقع ایئرپورٹ کے ڈیپارچرلاؤنج میں دو دھماکے ہوئے ہیں جن میں 13 افراد کے جاں بحق اور 35 افراد کے زخمی ہونے کی اطلاع موصول ہوئی ہے، دھماکوں کے بعد ایئرپورٹ پرموجود عوام میں افراہ تفری کا عالم دیکھنے میں آیا۔
بیلجئم پولیس کے ترجمان کے مطابق افراد ہلاک اورزخمی ہوئے ہیں اورامدادی کاروائیاں جاری ہیں، دھماکوں کی نوعیت کے بارے میں فی الحال کچھ نہیں بتایا گیا۔
VIDEO: Panic & chaos in Brussels airport after two explosions https://t.co/aElFMYNuF5 https://t.co/wgSeqVLOO5
— RT (@RT_com) March 22, 2016
غیر ملکی میڈیا کے مطابق دھماکوں کے بعد شہرسے ایئرپورٹ آنے والی ٹرین سروس بھی بند کردی گئی ہے اورایئرپورٹ کی جانب آنےوالی ٹریفک کو واپس موڑا جارہا ہے۔
میٹرو اسٹیشن میں بھی دھماکہ
تازہ ترین اطلاعات کے مطابق برسلز کے سنٹرل میٹرو اسٹیشن میں بھی دھماکہ ہوا ہے ، جس میں برطانوی خبررساں ادارے کے مطابق 15 افراد ہلاک جبکہ متعدد زخمی ہوگئے ہیں۔
ذرائع کے مطابق مذکورہ اسٹیشن برسلز کا سنٹرل اسٹیشن ہے، یہ چار منزلہ عمارت ہے اور سارے لندن کو میٹروز یہی سے روانہ ہوتی ہیں جبکہ یورپ کے لئے ٹرین کی روانگی بھی یہی سے ہوتی ہے۔
دھماکے کے کے بعد بیلجئم کے تمام میٹرواسٹیشن بند کردیے گئےہیں اورتلاشی کا عمل جاری ہے۔
BREAKING VIDEO: Footage of alleged explosion at metro in #Brussels https://t.co/9Q3gkTi6rh pic.twitter.com/j8e5BATUZp (video @Paulenwitteman)
— RT (@RT_com) March 22, 2016
ایئرپورٹ کی تلاشی
دھماکے کے بعد ایئرپورٹ کوبند کرکے سیکیورٹی کلئیرنس کا عمل شروع کیا گیا جس کے نتییجے میں تین مزید بم برآمد ہوئے۔
دو بم ایرپورٹ کے لاؤنج سے برآمد ہوئے جبکہ ایک بم ایئرپورٹ کے رن وے سے برآمد ہوا، تینوں بموں کو ناکارہ بنادیا گیا ہے ۔
Departures hall at #Zaventem airport in #Brussels following the blasts https://t.co/tLAXjoJYQO https://t.co/0HqWkpKV12
— Media List (@media_list) March 22, 2016
حکومتِ پاکستان کی مذمت
صدرِ پاکستان ممنون حسین نے بیلجئم کے شہر برسلز میں ہونے والی دہشت گردی کی وارداتوں کی شدید الفاظ میں مذمت کی اور اسے دنیا کے امن سبوتاژ کرنے کی سازش قراردیا۔
حکومتِ پاکستان نے برسلز ایئرپورٹ اورمیٹرو اسٹیشن حملوں کی شدید مذمت کرتے ہوئےسانحے میں ہلاک اورزخمی ہونے والے افراد کےلواحقین سے اظہارِ افسوس کیا۔
دفترِ خارجہ کے مطابق پاکستان ہر قسم کی دہشت گردی کی شدید الفاظ میں مذمت کرتا ہے اوراس کے خلاف صف آراہونے کا عزم رکھتا ہے۔
اے آروائی نیوزکے بیلجئم میں موجود نمائندے ندیم بٹ کے مطابق بیلجئم میں سیکیورٹی اطلاعات موجود تھیں جن کے سبب گزشتہ چارماہ سے سیکیورٹی کے سخت ترین انتظامات کئے گئے تھے۔
ایئرپورٹ اورشہر کی اہم عمارتوں کے علاوہ سڑکوں پربھی فوج تعینات تھی، ایسا بیلجئیم میں گزشتہ تین دہائیوں میں پہلی بار دیکھنے میں آیا ہے۔
واضح رہے کہ برسلز یورپی یونین کا ہیڈ کوارٹرہے اور پورے یورپ سے یہاں اہم شخصیات کی آمد ورفت کا سسلسلہ جاری رہتا ہے، ذرائع کا کہنا ہے کہ دھماکوں کا نشانہ بننے والا ایئرپورٹ سب سے بڑا ایئرپورٹ ہے اوریہاں ہر دس منٹ میں کئی پروازوں کی آمد ورفت ہوتی ہے۔