ابوظبی: یو اے ای میں دنیا کا سب سے بڑا تجارتی میلہ ‘ایکسپو 2020 دبئی ‘ پوری آب وتاب کے ساتھ جاری ہے، میلے کی چکاچوند نے ہر کسی کو اپنا گرویدہ کرلیا ہے، ایسے میں منتظمین نے اہم اعلان کردیا ہے۔
میڈیا رپورٹ کے مطابق ایکسپو منتظمین نے گھریلو ملازمین بشمول (آیا) کو ایکسپو دو ہزار بیس میں مفت داخلے کی اجازت ہوگی۔
ایکسپو میڈیا آفس نے خلیج ٹائمز کو دئیے ایک بیان میں کہا کہ اس لاجواب پیشکش سے فائدہ اٹھانے کے لئے انہیں صرف اپنی ریزنڈنسی کی ایک کاپی پیش کرنے اور ایکسپو ٹکٹ بوتھ پر اپنی ملازمت کارڈ دکھانے کی ضرورت ہوگی، وہ اپنے رہائشی ویزے کی ایک کاپی تیار کرکے جتنی بار چاہیں داخل ہوسکتے ہیں۔
ایکسپو منتظمین کے اس اعلان پر کئی خاندانوں نے اظہار تشکر کرتے ہوئے کہا کہ یہ ان سیاحوں اور مقامی افراد بڑی خبر ہے جن کے چھوٹے بچے ہیں اور انہیں وسیع وعریض جگہ کو گھومنے کے لئے ایک مددگار کی ضرورت ہے (یاد رہے کہ ایکسپو کا میلہ اندازے کے مطابق فٹ بال کے 600 میدانوں کے برابر ہے)۔
مقامی سیاح عامرہ نے کہا کہ یہ ایک خوش آئند اقدام ہے ، میرے دو چھوٹے بچے ہیں اور میں انہیں آیا کی مدد کے بغیر یہاں لانے کا تصور بھی نہیں کرسکتی، وہ جمعرات کو ایکسپو میں تھے لیکن اپنے بچوں کے بغیر میں یقینی طور پر گھر جارہی ہوں اور اپنی نینی کو بتانے والی ہوں جو فلپائن سے ہے وہ واقعی خوش ہوگی۔
پاکستانی سیاح مہوش نے کہا کہ یہ حیرت انگیز ہے کہ آیاؤں اور ہیلپرز مفت ٹکٹ پر جاسکتے ہیں، ہمیں واضح طور پر ان کے ٹکٹوں کی ادائیگی پر کوئی اعتراض نہیں ہے، تاہم یہ ایک بہت بڑی مدد ہے اور خاندانوں اور بچوں کو ایکسپو میں شرکت کی ترغیب دینے کے لئے بہترین اقدام ہے۔
